Elimizde 928 myń adam bank nesıesin óteı almaýda

Parlament Májilisiniń jalpy otyrysynda palata depýtattary «Kollektorlyq qyzmet týraly» zań jobasyn birinshi oqylymda maquldady, dep habarlaıdy QazAqparat. «Kollektorlyq kompanııalar kópten beri paıda bolyp, ómirimizge keńinen endi, biraq olardyń qyzmeti zańmen rettelmeıdi jáne memleket tarapynan baǵalanbaıdy. Qazirgi kezdiń ózinde shamamen 60 kompanııa banktermen jasasqan sharttar negizinde bereshekti óndirip jatyr. Bankterdiń 928 myń boryshkeri kollektorlyq agenttikterdiń óndirip alý úderisinde. Halyqtyń nesıelik boryshy óte joǵary. Osy jaǵdaıda boryshty óndirip alý boıynsha qatynastardyń rettelmeý problemalarynyń aýqymy bolashaqta ósedi. Qazaqstanda 5 mln. adamnyń banktik qaryz sharty bar», – dedi D. Aqyshev. Zań jobasynda bereshegin óndirip alý boıynsha jumysta tıimdilikti jáne qaýipsizdikti arttyrý, boryshkerlerdiń quqyqtary men múddelerin kollektorlyq agenttikterdiń zańsyz áreketterinen qorǵaý, kollektorlyq qyzmettiń ashyqtyǵyn arttyrý men ony retteý, turǵyndardyń senimin joǵarylatý tetikteri eskerilgen. Sonymen qatar, onda kollektorlyq qyzmetti júzege asyrý barysynda týyndaıtyn qoǵamdyq qatynastar retteledi.