Atletter aýyly sportshylar qabyldaýǵa daıyn

Almatydaǵy qysqy Ýnıversıada aýma­ǵyn­daǵy Atletter aýyly álemniń 55 eli­nen keletin sportshylardy qabyldaýǵa saqa­daı saı otyr. Qalashyqtaǵy qurylys ju­mys­­tary 2014 jylǵy jeltoqsanda bastalyp, bıylǵy jylǵy tamyz aıynda tolyq aıaqtalǵan. Dıreksııanyń aıtýynsha, munda sport­shylarǵa kerekti nárseniń bári bar. Atlet­ter aýyly bir mezette 5 myń adamdy qa­byl­daı alady. Onda 1 kisi­lik orynnan bas­tap 3 kisilik jyly ári yńǵaıly jatyn jaı­lary jasalǵan. Sondaı-aq, álemniń ár túk­piri­nen keletin sheteldik meımandar Qazaq eli­niń ulttyq aspaptarymen jáne án-kúıi­men de tanysady. Atletter aýylynda ashyl­ǵan murajaıdan Ámire Qashaýbaev pen Júsipbek Elebekovtiń dombyralaryn, Shashý­­baı Qoshqarbaıulynyń syrnaıy men Sma­taı Úmbetovtiń qylqobyzyn jáne bas­­qa belgili tulǵalardyń aspaptaryn kórý­­ge bolady. Al jaqyn kúnderi sportshylar qala­shy­ǵynda dinı jáne mádenı orta­­lyq­­tar men sán salondary resmı túrde ashylady. – Sportshylar qalashyǵynda 1748 pá­ter bar. О́zderińiz kórip otyrsyzdar, bar­­lyq jatyn bólmeler daıyn. Jylý beril­di. Jýynatyn jáne tósek oryndar­dyń ba­r­­lyǵy sapaly qurylys materıaldarymen ja­salǵan. 55 elden 3 jarym myńdaı úmit­­­ker keledi dep kútip otyrmyz. Bul – Ýnı­­v­er­­sıada tarıhyndaǵy rek­ord­tyq kór­s­­et­­kish, – dedi osy oraıda Atlet­­ter aýy­­ly de­par­tamentiniń jetekshisi Sánim Sháripova. Talǵat Súıinbaı, «Egemen Qazaqstan»