Foto: championat.com
Matchtyń alǵashqy bóliginde Panama belsendi oıyn órnegin kórsetip, birneshe qaýipti shabýyl uıymdastyrdy. Alǵashqy múmkindikterdiń birinde Sesılıo Ýoterman aıyp alańynan soqqy jasaǵanymen, Gana qaqpashysy Benjamın Asare seıv jasap, komandasyn qutqardy. Izinshe Djovanı Ramos ta esep ashýǵa múmkindik alǵanymen, dop qaqpa mańdaıshasynan asyp ketti.
Osylaısha úziliske deıin qos qurama esep asha almaı, birinshi taımdy 0:0 esebimen aıaqtady.
Ekinshi taımda Gana oıyn tizginin óz qolyna alyp, shabýyldaryn údete tústi. Degenmen Panama qorǵanysta senimdi oınap, qarsy shabýyldarmen qaýip tóndirip otyrdy.
О́zbekstan quramasy álem chempıonatyndaǵy alǵashqy oıynynda jeńilip qaldy
60-mınýtta Gananyń bas bapkeri Karlýsh Keırýsh birneshe oıynshyny almastyryp, alańǵa Brendon Tomas-Asanteni shyǵardy. Tomas-Asante alańǵa shyqqannan keıin shabýyl shebinde belsendiligimen kózge tústi.
61-mınýtta ol oń qaptaldan sytylyp shyǵyp, Djordan Aııýǵa tamasha pas shyǵardy. Alaıda Panama qorǵaýshysy Djovanı Ramos sońǵy sátte dopty qaqpa syzyǵynan shyǵaryp úlgerdi.
Kezdesý sońynda qosymsha ýaqyttyń 5-mınýtynda Gana jeńis golyn soqty. Tomas-Asante sol qaptaldan aıyp alańyna enip, Kaleb Iırenkıge dál pas berdi. Shabýylshy jaqyn qashyqtyqtan múlt ketpeı, óz quramasyna 3 upaı syılady.
Osylaısha Gana álem chempıonatyn jeńispen bastap, L tobyndaǵy týrnırlik jaǵdaıyn jaqsartty. Kelesi týrda 24 maýsym kúni Gana Anglııamen kezdesse, Panama Horvatııaǵa qarsy oınaıdy.
Eske sala keteıik, bul toptaǵy Anglııa men Horvatııa quramasy arasyndaǵy oıyn aǵylshyndar paıdasyna 4:2 esebimen aıaqtalǵan bolatyn. Matchta Anglııa quramasynyń shabýylshysy Harrı Keın dýbl avtory atanyp, álem chempıonattaryndaǵy 10-golyn soqty.
