Muz aıdynyna – 44 jyl

Almatydaǵy «Medeý» muz aıdynynyń resmı túrde paıdalanýǵa berilgenine 44 jyl toldy. Ol 1972 jylǵy 28 jeltoqsanda ashylǵan edi. Medeý – Ile Alataýy baýraıynda teńiz deńgeıinen 1691,2 metr bıikte ornalasqan iri sporttyq keshen. Onyń qurylysy 1949 jyldyń kúz aıynda bastalyp, alǵashqy resmı oıyndar 1951 jyldyń 4 aqpanynda ótken. Stadıonǵa jasandy muz tek 1972 jyly ǵana tóseldi. Medeý – qysqy sporttyq oıyn­­darǵa arnalǵan muz aıdyny, jasandy muz alańynyń aýmaǵy 10,5 myń sharshy metrdi, aı­dyn­d­aǵy muz jabyndysynyń qalyń­dyǵy 2,3 metrdi quraıdy. Taý bók­terindegi jaıly klımat, kún ra­dıa­sııasynyń qolaıly deń­geıi, tómen aýa qysymy jáne taza taý sýy muzdyń joǵary sa­p­a­ly bolýyn qamtamasyz ete­di. Munda osy kezge deıin álem­­niń 120-dan astam rekordy jańar­tyldy. Muz aıdyny 2011 jylǵy VII qysqy Azııa oıyndary qarsańynda qaıta jóndeýden ótti. Sporttyq oıyndar­dyń nátıjelerin kórsetýge, televı­zııalyq baǵdarlamalardy, taqyryptyq jáne jarnama­lyq rolıkterdi translıasııalaý­ǵa múmkindik beretin alańy 200 sharshy metrlik jańa mýltımedııalyq taqta ornatyldy. Qaıta jóndeýden keıin minbelerdegi otyrǵyshtardyń sany artyp, 7200-den 8500-ge jetti. Jańadan ornatylǵan qazirgi zamanǵy tońazytqysh quryl­ǵylary muzdy 1 qazannan 1 sáýirge deıin ustap turady. Bir mezgilde muz aıdynyna 2 myńnan 3 myńǵa deıin adam syıady. Demalys kúnderi konkımen syrǵanaý kóptegen jyldar boıy tek turǵyndar emes, qala qonaqtary úshin de jaqsy dástúrge aınalǵan. «Medeý» ataýy HIH ǵasyr­dyń sońynda ómir súrgen qoǵam qaıratkeri, qazaq halqyn kósh­peli otyryqshylyqqa beıimdeý jumystarymen aına­lysqan, qazaq balalaryna arnap pansıonat ashqan Medeý Pusyrmanovtyń qurmetine berilgen. «Medeýdiń» aınalasyn 21 myń gektar orman-toǵaı alqaby qorshap jatyr. Onda qaıyń, kókterek, qaraǵaı men shyrsha, dolana, sheten aǵash­tary ósedi. Muz aıdynynan bólek, munda Ǵarysh sáýleleri ǵylymı stansasy, Úlken Almaty kóli, Joǵarǵy Gorelnık sar­qyramasy, Almatyny selden qorǵap turatyn bógetter, Ter­ren­kýr jáne segiz júzden astam satysy bar baspaldaq bar. Aldaǵy jylǵy 29 qańtar men 8 aqpan aralyǵynda Al­maty­­da oınalatyn XXVIII qy­s­qy Ýnıversıada oıyndary jarys­tarynyń bir bóligi «Medeý» muz aıdynynda ótedi. Talǵat RAIYMBEK, «Egemen Qazaqstan»