О́zbekstan men Qazaqstan arasyndaǵy saýda kólemi artady

Shavkat Mırzıeev bılikte bolǵan kezderde О́zbekstan men Qazaqstan arasyndaǵy saýda kólemi artady. Bul týraly QazAqparat tilshisine suhbat bergen tanymal saıasattanýshy, Álemdik ekonomıka jáne saıasat ınstıtýtynyń syrtqy saıasat jónindegi sarapshysy Jumabek Sarabekov aıtty. Ol suhbat barysynda Qazaqstan men О́zbekstan arasyndaǵy ekijaqty qarym-qatynastyń qazirgi ýaqytta qalyptasyp otyrǵan deńgeıine baǵa berdi. Sonymen qatar О́zbekstannyń óńirdegi basqa eldermen qaraǵanda Qazaqstanmen qarym-qatynasy barynsha jaqsy ekenin aıtty. Iаǵnı, О́zbekstan basqa kórshilerimen qaraǵanda Astanamen óte jaqsy qarym-qatynasta ári saýda-ekonomıkalyq yntymaqtastyǵynyń deńgeıi de joǵary bolyp otyr. "Biz - mańyzdylyǵy jaǵynan О́zbekstannyń úshinshi saýda seriktesimiz. Birinshi orynda Reseı, al ekinshi orynda Qytaı tur. Demek, búgingi tańdaǵy bizdiń yqtymaqtastyǵymyz strategııalyq sıpatta degen sóz. Tolyqtaı alǵanda, qazaqstandyq-ózbekstandyq qarym-qatynasty dostyq ári tatý kórshilik dep sıpattaýǵa bolady", dep atap ótti sarapshy. Eldi jańa Prezıdent basqarǵannan keıin Tashkent saıasatynda qandaı da bir ózgerister bolýy múmkin be degen suraqqa Jumabek Sarabekov bylaı dep jaýap berdi: "Birinshiden, Prezıdent Shavkat Mırzıeev birden syrtqy saıasatta muragerlik saqtalatyndyǵy jaıynda birden málim etti. Al bul О́zbekstannyń syrtqy saıasatynda aıta qoıarlyqtaı túbegeıli ózgeristerdiń bolmaıtyndyǵyn bildiredi. Degenmen, buǵan qosa biz bul eldiń jańa basshylyǵy Tájikstan jáne Qyrǵyzstanmen oryn alyp otyrǵan problemalardy retteýge qazirden-aq qadam jasaǵandyǵyn kórip otyrmyz", dedi. Bul neni bildiredi? Buǵan deıin О́zbekstan men Tájikstan basshylary arasynda tulǵalyq minezde qarama-qaıshylyqtar bolǵan edi. Al О́zbekstannyń jańa Prezıdenti men Emomalı Rahmon arasyndaǵy qarym-qatynasta mundaı kereǵarlyq sátter baıqalmaıdy. Taǵy bir eskerer jaıt, Shavkat Mırzıeev Prezıdent mindetin atqarýshy bolǵan kezdiń ózinde О́zbekstan Parlamenti palatalarynyń birlesken otyrysynda sóz sóılep, eldiń syrtqy saıasatynyń basymdyǵy óńirlik yntymaqtastyq bolatyndyǵyn málimdegen-di. Bul kórshilermen ekonomıkalyq yntymaqtastyq deńgeıine áser etýi múmkin. Iаǵnı, óńir elderimen, onyń ishinde Qazaqstanmen de saýda-sattyq kólemi artýy múmkin. Sarapshynyń aıtýynsha, О́zbekstannyń jańa basshylyǵynyń óńirlik problemalarǵa, óńirlik yntymaqtastyqqa basa nazar aýdarýy da óńirlik ózekti problemalardy sheshýge óz septigin tıgize alady. Daýly terrıtorııaǵa qatysty máselede de biz turaqtylyqty baıqaı alamyz. Buǵan qosa, О́zbekstan mundaı problemalardy úlken qurbandyqqa barmaı-aq sheshýge tyrysady. Máselen, Rogýn sý elektr stansasy qurylysyna qatysty О́zbekstan óz ustanymyn ózgertpeıdi. Biraq, ekinshi jaǵynan sheshýge bolatyn da birqatar másele bar. Ustanym ózgermegenimen ádis ózgeredi. Suhbat barysynda ol О́zbekstan ustanymynyń barynsha konstrýktıvti sıpatqa beıimdelýin oń baǵalaıtynyn da aıtty. Jýrnalıstiń "Áli kúnge deıin О́zbekstan Eýrazııalyq ekonomıkalyq odaqqa qatysý nıetiniń bar ekendigin bildirgen emes. Bul máselege qatysty Tashkent ustanymynyń ózgerýi múmkin be?", degen suraqqa "Qazirdiń ózinde О́zbekstannyń jańa basshylyǵy eýrazııalyq ıntegrasııaǵa qatysý múmkinshiligin ázirshe qarastyryp otyrmaǵandyǵyn málimdegen bolatyn. О́zbekstan taıaý nemese orta merzimdi bolashaqta Eýrazııalyq ekonomıkalyq odaq jumysyna qosylý kelissózderin bastaıdy dep kútýdiń qajeti joq. Munyń túrli sebebi bar. Eń aldymen, ol  eldiń ekonomıkalyq damýynyń qazirgi modeli ıntegrasııalyq prosessterge qatysýdy talap ete almaıdy. О́zbekstannyń ekonomıkasy ımport almastyrý prınsıpine negizdelgen", dep jaýap berdi. Iаǵnı, azdap ımporttap, múmkindiginshe ózderi kóptep shyǵarýǵa baǵyttalǵan. Osyndaı qısyny bar. Sondyqtan mundaı ekonomıkalyq strategııa júzege asyrylyp jatqandyqtan О́zbekstan ıntegrasııaǵa qatyspaıdy. Buǵan qosa, Eýrazııalyq ekonomıkalyq odaqqa múshe elder ekonomıkasynyń ózara ıntegrasııasynyń barynsha tereń  deńgeıin kózdeıdi. Al О́zbekstan ekonomıkasy damýynyń qazirgi modeli muny qarastyrmaıdy.