О́ńirlerde jeke týrızm basqarmalaryn qurý usynyldy

QR Investısııalar jáne damý mınıstrliginiń týrızm ındýstrııasy departamenti Qazaqstannyń óńirlerinen jeke ózindik týrızm basqarmalaryn ashý jóninde bastama kóterdi. «2016 jyldyń sońynda týrızm jónindegi jedel jumys toby májilisiniń qorytyndysy boıynsha, QR Premer-Mınıstriniń birinshi orynbasary Asqar Mamınniń jetekshiligimen óńirlik ákimdikterge jekelegen týrızm basqarmalaryn qurý máselesin qarastyrý jóninde keńes berilgen»,-dep jazdy Facebook áleýmettik jelisindegi akkaýntynda QR Investısııalar jáne damý mınıstrliginiń Týrızm ındýstrııasy departamentiniń dırektory Marat Iǵalı. Qazirgi tańda týrızm basqarmasy Almaty, Aqmola, Almaty jáne Mańǵystaý oblystarynyń ákimdikteriniń janynan qurylyp, jumys isteýde. О́zge óńirlerde oblystyq kásipkerlik basqarmalary men ındýstrıaldy-ınnovasııalyq damý basqarmalarynyń qurylymdarynda ǵana týrızm bólimsheleri bar. «BUU 2017 jyldy turaqty týrızmdi damytý jyly dep jarııalady. Osy rette óńirlik ákimdikterdiń qurylymdarynan jekelegen týrızm basqarlamalaryn qurý - Qazaqstanda ishki túrızmdi júıeli túrde júzege asyrýǵa zor múmkindik beredi degen oıdamyn. Naqtyraq aıtqanda 2017 jyly ár óńirde týrızmdi damytýdyń júıeli josparyn qabyldaý men júzege asyrý sharalaryn bastaý usynylyp otyr»,-dedi Marat Iǵalı.