Ýseın Bolttyń álemdik rekordtary joıylýy múmkin

Halyqaralyq jeńil atletıka assosıasııasy (IAAF) dopıng daýynan keıin barlyq álemdik jetistiktiń kúshin joıý máselesin qaraıdy. Mundaı bastamany Halyqaralyq sport baspasózi assosıasııasy óz saıtynda kóterip otyr. Uıym kóbeıip ketken dopıng daýynan keıin jeńil atletıka osyǵan deıingi jasalǵan barlyq rekordtyń kúshin joıyp, "jańa dáýirge" ótýi tıis dep esepteıdi. Osy bastamaǵa baılanysty álemdik rekordtarynan mansap jolyn aıaqtap qoıǵan syryqpen sekirýshi Elena Isınbaeva (28 rekord) jáne 100, 200 metr jáne estafetada júgirýden álemniń alty dúrkin chempıony Ýseın Bolt (8 rekord) óz rekordtarynan aıyrylýy múmkin. Aıta keteıik, Bolt 2017 jyly sporttan ketýdi josparlaǵan. Alaıda IAAF bul sheshimdi oń-terisin salmaqtaǵannan keıin jasamaqshy. Aıta keteıik, IAAF osy kúnge deıin reseılik 200 sportshynyń Rıchard Maklarenniń baıandamasynda aty atalǵanyn habarlady. Bul sportshylar "synaqtar manıpýlıasııasymen" aınalysqan delinedi.