Qazaqstandyqtar 2017 jyly merekede qaı kúnderi demalady?

7 qańtardaǵy pravoslavıelik Rojdestvo jáne Qurban aıttyń alǵashqy kúni jumys kúnderi men aýysý kestesine (vahta kestesi) túskenimen, demalys kúni bolyp esepteledi, alaıda, bul kúnder mereke kúnderi bolyp eseptelmeıdi, - dep habarlaıdy Tengrinews.kz. "Qazaqstan Respýblıkasyndaǵy merekeler týraly" zańyna sáıkes demalys jáne mereke kúnderi bir kúnge kelse, mereke kúnderinen keıingi kúnder demalys bolyp esepteledi. Al 7 qańtardaǵy pravoslavıelik Rojdestvo jáne Qurban aıttyń alǵashqy kúni bul zańda kórsetilgen ulttyq jáne memlekettik mereke kúnderiniń tizimine kirmeıdi. Qazaqstan Respýblıkasynyń Ulttyq merekesi - Táýelsizdik kúni. Al  Qazaqstan Respýblıkasynyń Memlekettik merekelerine kelesi kúnder kiredi: Jańa jyl - 1-2 qańtar; Halyqaralyq áıelder kúni - 8 naýryz; Naýryz meıramy - 21-23 naýryz; Qazaqstan halyqtarynyń birligi kúni - 1 mamyr; Otan qorǵaýshylar kúni - 7 mamyr; Jeńis kúni - 9 mamyr; Astana kúni - 6 shilde; Qazaqstan Respýblıkasynyń Konstıtýsııasy kúni - 30 tamyz; Qazaqstan Respýblıkasynyń Tuńǵysh Prezıdenti kúni - 1 jeltoqsan.