2017 jyly Qazaqstanda kólik baǵasy qalaı bolmaq?

Aǵymdaǵy jyly avtomobıl baǵasy ótken jylǵy deńgeıde saqtalatyn bolady. Bul jaıynda QazAqparat Qazaqstandyq avtobıznes qaýymdastyǵyna silteme jasap habarlaıdy. Qaýymdastyq aqparatyna qaraǵanda, aldaǵy úsh jyldyń ishinde jańa avtomobılderdi satý úlesi artatyn bolady. Degenmen, mundaı jaıt halyqaralyq uıymdardyń boljamyna sáıkes munaı baǵasy óskende, valıýta baǵamynda aıtarlyqtaı ózgerister bolmaǵanda jáne basqa da birqatar mańyzdy faktorlarǵa baılanysty oryn almaq. «2017 jyldyń bazalyq trendteri: satylym qurylymyndaǵy qazaqstandyq mashınalardyń ósimi bolady; baǵa 2016 jylǵy deńgeıde saqtalady; jol talǵamaıtyn kólikterdiń tanymaldyǵy artady; otandyq óndirýshiler shyǵarǵan mashınaǵa qaraǵanda ımport avtomobılderdiń baǵasy negizinen teńge baǵamyna táýeldi bolady», - delingen habarlamada. Qaýymdastyq málimetine qaraǵanda, 2016 jyly ımport kólikterdiń baǵasy 4 mıllıonnan 7,2 mıllıon teńgege deıin, al otandyq kólikter 4,3-ten 5,3 mıllıon teńgege deıin qymbattady. «Jańa jáne qoldanystaǵy kólikter naryǵy aǵymdaǵy kórsetkishti saqtaıdy. О́ıtkeni, kóliktiń arzandaýy ázirshe baıqalmaıdy. Qazaqstanda jasalǵan jańa mashınalardyń qunyn arzandatý úshin oqshaýlaný deńgeıin arttyrý qajet. Buǵan qosa, naryqtyń basym bóligin ımport qurap otyr. Sebebi, baǵam turaqtady jáne naryqta aıtarlyqtaı aýytqý baıqalmaıdy. Demek, aǵymdaǵy jyly avtomobılderdiń baǵasy ótken jylǵy deńgeıde kútilýde», - delingen  aqparatta. Sondaı-aq qaýymdastyq aǵymdaǵy jyly jol talǵamaıtyn kólikter satylymy arta túsetindigin atap ótken. Resmı satylym qurylymynda Toyota LC Prado, Toyota LC200, Toyota RAV4, KIA Sportage, Nissan Qashqai, Hyundai Santa Fe, JAC S3 syndy jol talǵamaıtyn kólikter úlesi artqan. Toyota avtomobıli satylymynyń artýyna 4 paıyzben jeńildetilgen nesıe berý baǵdarlamasy óz septigin tıgizip otyr. Eske salsaq, jeltoqsan aıynda Qazaqstanda jeńil jáne jeńil kommersııalyq kólikter naryǵyna qatysýshylardyń 2016 jylǵy jumysynyń aldyn ala qorytyndysy shyǵaryldy. 2016 jylǵy 11 aıdyń qorytyndysy boıynsha, satyp alynǵan 29 357 avtokólik (76%) - ımporttyq ónim, al qazaqstandyq avtozaýyttardyń kólikterin 9422 (24%) satyp alýshy tańdaǵan. Qazaqstandyqtar ótken jyly eń kóp satyp alǵan kólik brendteri de anyqtaldy. Bul reıtıngte Toyota kósh bastap tur: 2016 jyldyń 11 aıynda respýblıka aýmaǵynda japondyq markanyń 7 592 kóligi satylǵan. Lada úlgisin 7 300 satyp alýshy tańdaǵan. Úshinshi orynda  3 448 kólik satqan - Renault markasy. Úzdik bestikke Hyundai (3 248 dana) jáne KIA (3 012 dana) markalary enip otyr.