2016 jyldyń jyljymaıtyn múlik naryǵyndaǵy 9 ózgeris

2016 jyl Qazaqstannyń jyljymaıtyn múlik naryǵy úshin aıtýly oqıǵalarǵa toly boldy. Atap aıtar bolsaq, úleskerlerdiń quqyǵyn qorǵaý kúsheıtildi, memlekettik baǵdarlamamen úı qurylysy kóbeıdi, úı qurylysynyń jańa baǵdarlamasy qabyldandy.  1. Jańa úıler memlekettik komıssııasyz qabyldanady 2016 jyldyń 1 qańtarynan bastap "Arhıtektýra, qala qurylysy jáne qurylys jumystary týraly" zańǵa engizilgen túzetýler men ózgerister kúshine endi. Endi qabyldanatyn qurylysqa memlekettik komıssııanyń tekserisi kerek emes. Al úıdi qabyldaý týraly aktti tek merdiger kompanııanyń mamany toltyrsa jetkilikti. Al qurylysta kinárat bolsa, jaýapkershilik merdiger kompanııaǵa túsedi.  2. Onlaın habarlandyrýdaǵy úı baǵasyn tek teńgemen kórsetý kerek Qazaqstan Respýblıkasynyń Ulttyq banki men Úkimet elde dollarsyzdandyrý saıasaty aıasynda osyndaı jańalyq engizdi. 3. "О́z úıim" atty daǵdarysqa qarsy arnaıy baǵdarlama resmı túrde bastaldy Bankter ózderiniń salymshylary úshin úı sala bastaǵan eń alǵashqy óńir Qyzylorda oblysy boldy. "О́z úıim" baǵdarlamasy aıasynda úsh baǵyt qarastyrylǵan: jergilikti atqarýshy organmen birge jumys isteý, memlekettik-jeke menshik áriptestik jáne ekinshi deńgeıli banktermen áriptestik. 2022 jylǵa deıin osy baǵdarlama arqyly salynǵan úıler 1,5 mln sharshy metrge jetedi dep kútilýde. 4. 11 myńnan astam ıpoteka ıesi memleketten qaıta qarjylandyrý aldy 2016 jyldyń 15 sáýirine deıin 21 myńnan astam ótinish kelip tústi. Olar ekinshi deńgeıli bankterdiń tutynýshylary. Sonyń ishinde 14 myńy maquldanyp, 11 020 adamǵa memleketten qaıta qarjylanldyrý berildi. 5. Bankterdiń ıpotekalyq nesıesi báseńdedi Teńge baǵamynyń erkin aınalymda bolýy, jyljymaıtyn múlik naryǵyndaǵy turaqsyzdyq, eldiń satyp alý múmkindiginiń azıýy, sonymen qatar teńgeniń tapshylyǵy jáne bankter úshin bazalyq ústemeniń kóterilýi bankterdiń ıpoteka berýge degen yntasyn túsirdi. 6. Jyljymaıtyn múlikti rásimdeý ońaılady "Azamattarǵa arnalǵan úkimet" memlekettik korporasııasy jyljymaıtyn múliktiń memlekettik birińǵaı kadastryn qurdy. Bul jyljymaıtyn múlikti rásimdeýde qujattardy qysqartyp, rásimdeý jumystaryn barynsha az ýaqytta isteýge múmkindik berdi. 7. Jer zańnamasyna engizilgen moratorıı 5 jylǵa uzartyldy Aqordadaǵy jıynda memleket basshysy osylaı buıyrdy. 8. Úleskerlik qurylys týraly zań kúshine endi Qazaqstannyń úleskerlik qurylys salasy jańa zańmen jumys isteı bastady. Jańa zań normasy úlesker bolýdy ońaılatyp, úleskerlerdiń quqyǵyn qorǵaý tetikterin kúsheıtti. 9. "Nurly jer" baǵdarlamasy maquldandy Atalǵan baǵdarlama boıynsha Qazaqstanda úı salýdyń jańa tetigi daıyndalady. 9 jylda úkimet 100 mln-nan astam sharshy metr úı salmaq.