2017 jyldyń alǵashqy fılmin túsirý jumysy qolǵa alyndy. Sh.Aımanov atyndaǵy «Qazaqfılm» kınostýdııasy Qytaı kınematografısterimen birlesip «Kompozıtor» (jumys ataýy) atty fılm túsirmek. Atalǵan fılmniń túsirý jumystary boıynsha kezdesý ótkizý úshin QHR-dyń tanymal rejısseri Sherızat Iаkýb bastaǵan Shineworks kınokompanııasynyń túsirý toby Almatyǵa arnaıy keldi.
Birlesken jobany júzege asyrý týraly talqylaýlar 2015 jyly Qytaıdyń Fýchjoý qalasynda ótken «Jibek joly» kınofestıvalinde bastalǵan bolatyn. Al 2016 jyly «Qazaqfılm» kıno- stýdııasy jáne Qytaıdyń Shineworks kınokompanııasy arasynda «Kompozıtor» atty fılmdi birlesip shyǵarý jáne qarjylandyrý, sonymen qatar, ortaqtasa otyryp prokatqa shyǵarý jóninde kelisimge qol qoıyldy.
Bul fılm álemdik ónerge eleýli úles qosqan Qytaıdyń tanymal kompozıtory Sı Sınhaıdyń ómiri men óner jolyna arnalmaq. Uly Otan soǵysy jyldarynda (1941-1943) kompozıtor Qazaqstanda turyp, qazaqtyń talantty kompozıtory Baqytjan Baıqadamovpen dos bolǵan. Kartına eki el arasyndaǵy yntymaqtastyq pen kompozıtorlardyń dostyǵy týraly syr shertedi.
– Búgingi kúnge deıin biraz jumys atqaryldy. Qazaqstan jaǵynan seriktesterimizge alǵysymyz sheksiz. Qytaıda Sı Sınhaı týraly, onyń ár jyldary ómiri týraly baıandaıtyn fılmder kóp, biraq kompozıtordyń Qazaqstanǵa kelip, az ýaqyt bolsa da osynda ómir súrip, Almatyda jumys istegeni týraly kópshilik bile bermeıdi. Kompozıtordy Qazaqstanda jyly qarsy alyp, onyń shyǵarmashylyǵyna qoldaý kórsetkeni týraly aıtyp berý – biz úshin óte mańyzdy, – deıdi fılmniń rejısseri Sherızat Iаkýb «Qazaqfılm» ókilderimen kezdesý barysynda.
Sh.Aımanov atyndaǵy «Qazaqfılm» AQ prezıdenti Baqyt Qaıyrbekov: – «Qazaqfılm» úshin bul – Qytaı kınogerlerimen jasalǵaly otyrǵan alǵashqy joba. Sondyqtan da, bizdiń taraptan bul jobaǵa bilikti mamandar tartylyp otyr. Eki el arasyndaǵy óner baılanysyn arttyra túsý maqsatynda qolǵa alynǵan fılmdi abyroımen atqaryp shyǵamyz degen oıdamyn, – dedi.
Ortaq kınotýyndy bolsa da, shekarasy joq óner týraly tereń oıǵa tııanaqtalǵan túsirilimniń negizgi bóligi Qazaqstanda ótpek.
Aıgúl AHANBAIQYZY,
«Egemen Qazaqstan»
ALMATY
Sońǵy jańalyqtar
Petropavlda «Tuqym kúni – 2026» halyqaralyq konferensııasy ótti
Aımaqtar • Keshe
Erteń birinshi aýysymnyń 0-9 synyp oqýshylary qashyqtan oqıdy
Aýa raıy • Keshe
Aıaz, boran, kóktaıǵaq: Elimizdiń 16 óńirinde eskertý jarııalandy
Aýa raıy • Keshe
2029 jylǵy Qysqy Azııa oıyndary Almaty qalasynda ótedi
Sport • Keshe
Nurtaı Sabılıanov: Teńge Konstıtýsııada qorǵalýǵa tıis
Ata zań • Keshe
Jańa Konstıtýsııa – halyq talqysynda
Ata zań • Keshe
