Májilis depýtattary Aqmola oblysyna jumys saparymen bardy

Aqmola óńirine kezekti is saparmen kelgen QR Parlamenti Májilisiniń depýtattary Sapar Ahmetov, Ersultan Bekturǵanov, Janat Jarasov, Jeksenbaı Dúısebaev jáne Mıhaıl Chırkov óz kezdesýlerin oblystyq «Nur Otan» partııasy aktıvinen bastady. Halyq qalaýlylary buqaramen kezdesý barysynda Parlament atqarǵan jumysymen tanystyrdy. Sondaı-aq, Elbasynyń saıasatyn júzege asyrýdaǵy negizgi atqarylǵan jumystaryna esep berip, birqatar suraqtarǵa jaýap berdi, dep habarlaıdy baq.kz. Partııa aktıvimen ótken kezdesýden soń, depýtattar odan ári «Sınegorıa» Kókshetaý sút zaýytynyń jumysymen tanysty. Halyq qalaýlylary sút óndirisi barysynda qoldanatyn zamanaýı tehnologııalardy kórip, sút ónmderine joǵarǵy baǵa berdi. «Sınegorıa» Kókshetaý sút zaýyty» JShS – Qazaqstan men Reseı naryǵyn sapaly sút ónimderimen qamtamasyz etip otyrǵan biregeı óńdeýshi zaýyt. Munda konservanttar qoldanbaı, uzaq merzimge saqtalatyn ónim shyǵarýǵa múmkindik beredi. Sonymen qatar, Zaýyt táýligine 12 tonna sút ónimderin shyǵarady. Mekemede 80-nen astam adam qyzmet etedi. Budan ári Májilis depýtattary oblys ortalyǵynda ornalasqan QR IIM-ne qaraıtyn Kókshetaý tehnıkalyq ınstıtýtynyń oqytýshy-professorlyq quramymen jáne kýrsanttarmen kezdesip, olardyń materıaldyq-tehnıkalyq bazasymen tanysty. Búginde joǵarǵy oqý orny qabyrǵasynda 600 kýrsant bilim alyp jatyr, olardyń ishinde Reseı men Belarýs memleketteriń azamattary da bar. Bolashaq órt sóndirýshi mamandar tolyǵymen memleket qaramaǵynda.