Bir jyl fýtboldan tys qalǵan Baýyrjan Jolshıev ózine komanda tapqan sekildi. Jartylaı qorǵaýshy qazirgi ýaqytta «Aqtóbe» sapynda jattyǵyp júr. Bul týraly vesti.kz habarlady.
26 jastaǵy fýtbolshy Túrkııa jerinde jattyǵý jumystaryn ótkizip jatqan "Aqtóbe" klýbyna qosyldy. Ázirge ujymnyń qaralymynda júrgen bolsa kerek, kelisimshart jasamaǵan.
Aıta keteıik, ótken maýsymda Jolshıev múldem oınaǵan joq edi. Beıresmı derekter boıynsha, Baýyrjanǵa «Ertis», «Ordabasy», «Qaırat» sekildi klýbtar qyzyǵýshylyq bildiripti. Biraq jalaqy máselesine kelgende qos tarap ortaq ymyraǵa kele almaǵan.
