Qaraǵandy oblysy Nura aýdany ákiminiń 26 jasar uly Qaraǵandy qalasy ákiminiń apparat basshysy qyzmetine taǵaıyndaldy, dep habarlaıdy Qaraǵandy ákimdiginiń baspasóz qyzmeti.
«Baqtııar Omarhanovtyń eki joǵary bilimi bar - ekonomıka jáne zań salasyn jetik meńgergen. Sondaı-aq, ol ekonomıka ǵylymdarynyń magıstri. Memlekettik qyzmette 2011 jyldan beri qyzmet etýde. Qaraǵandy oblystyq ónerkásip jáne ındýstrıaldy-ınnovasııalyq damý basqarmasynyń bas mamany retinde jumys jasaǵan. 2014 jyldan qazirgi taǵaıyndaýǵa deıin «Qazagromarketıng» AQ Qaraǵandy bóliminiń dırektory laýazymyn atqarǵan», - delingen habarlamada.
Baqtııar Omarhanov Nura aýdanynyń ákimi Nıqanbaı Omarhanovtyń uly. Qaraǵandy ákimi Nurlan Áýbákirov jańa basshyny ujymǵa tanystyryp, jańa qyzmetine tabys tiledi.
