Nursultan Nazarbaev Frank-Valter Shtaınmaıerge Germanııa Federatıvtik Respýblıkasynyń Prezıdenti bolyp saılanýyna baılanysty quttyqtaý jedelhatyn joldady, dep habarlady Prezıdenttiń baspasóz qyzmeti.
Qazaqstan Prezıdenti Germanııa Federatıvtik Respýblıkasynyń saılanǵan Prezıdentin quttyqtap, oǵan zor densaýlyq pen tabys, al dostas Germanııa halqyna beıbitshilik tilep, eldiń odan ári ósip-órkendeı berýine nıettestik bildirdi.
«Sizdiń mol saıası tájirıbeńiz ben dıplomatııalyq qabilet-qarymyńyz otan ıgiligine qyzmet ete beretinine senimdimin.
Bıyl 25 jyldyǵy atap ótilip jatqan Qazaqstan men Germanııa arasyndaǵy dostyq pen senimge negizdelgen ózara qarym-qatynasty nyǵaıtýdaǵy Sizdiń eńbegińizdi joǵary baǵalaımyz. Astana men Berlınde ótken mazmundy kezdesýlerimizdi men árdaıym jyly sezimmen eske alamyn.
Qazaqstan bıyl Astanada ótetin «EKSPO-2017» halyqaralyq kórmesine Germanııanyń qatysýyn quptaıdy. Osyǵan oraı, Sizdi Qazaqstanǵa resmı saparmen kelip, «EKSPO-2017» kórmesiniń qurmetti qonaǵy bolýǵa shaqyramyn», – delingen jedelhatta.
