Qazaqstan dostary klýbynyń otyrysy

Gaaga qalasynda Nıderland Koroldigi Premer-mınıstriniń keńesshisi Devıd van Vıl, Ekonomıka mınıstrliginiń Bas dırektory Sandor Gaastra, SIM Eýropa departamenti dırektorynyń mindetin atqarýshy Adrıaan Palm, «EKSPO-2017» Ulttyq komıssary Hans Drısser, Nıderland Senatynyń burynǵy tóraǵasy Rene van der Lınden, «Shell» kompanııasynyń syrtqy baılanystar basshysy Norbert Bot, Delft ýnıversıtetiniń professory Djek Dıllon jáne t.b. bedeldi áleýmettik-saıası jáne isker toptar ókilderiniń qatysýymen «Qazaqstan dostary klýbynyń» beıresmı otyrysy ótkizildi. Qazaqstannyń Nıder­landtaǵy elshisi Maǵjan Ilııasov kezdesýge qatysý­shy­lardy El­basy Nursultan Nazarbaevtyń qa­ty­sýymen memlekettik bı­lik tar­­maq­tary arasyndaǵy óki­lettik­terdi qaıta bólý máse­leleri jó­ninde jasalǵan jumys­tyń qory­tyndylarynan habardar etti. Qazaqstan Prezıdentiniń bas­tamasymen usynylǵan el Kons­tıtýsııasyna ózgerister men tolyqtyrýlar prezıdenttik bas­qarý júıesin saqtaı otyryp, memlekettik qurylymdy jań­ǵyr­týǵa, barlyq bılik tar­maq­tarynyń halyq aldyn­daǵy jaýap­kershiligin arttyrýǵa, Parla­ment pen Úkimettiń rólin kóte­rýge baǵyttalǵany atap kórse­tildi. Oǵan qosa, elshi quqyq qorǵaý jáne sot organ­dary men kons­tıtýsııa­lyq qa­da­ǵalaý júıe­si qyzme­tin jetil­dirý boıynsha jospar­lan­ǵan is-áreketter týraly málimdedi. Elshi Konstıtýsııalyq re­for­­ma­lardy júzege asyrý Qa­zaq­stannyń turaqty damýy­nyń jańa ınstıtýttyq negizin qu­raýshy 5 ınstıtýttyq reforma aıasyndaǵy «100 naqty qadam» Ult josparynyń negizgi ele­menti ekendigine ekpin túsir­di. Oǵan qosa, kezdesýge qaty­sýshylar «Qazaqstannyń Úshin­shi jańǵyrýy: jahandyq báse­kege qabilettilik» atty Elbasy N.Á.Nazarbaevtyń Qazaq­­stan halqyna Joldaýyn júzege asyrý aıasyndaǵy ynty­maq­tastyq múmkindikteri bo­ıynsha pikir almasty. Qazaqstannyń BUU-ǵa mú­she­­­ligine 25 jyl tolýyna oraı eli­mizdiń halyqaralyq sahna­daǵy je­tistikteri, jahan­dyq qaýip­siz­­dik pen bitimger­shilik sala­la­ryndaǵy Memleket bas­shy­synyń bas­tamalary atap ótil­di. Sırııa­daǵy ahýaldy ret­teý boıynsha kelis­sózder úrdi­sine qolaıly da utymdy alań usyna bilgen Asta­nanyń erekshe úlesine aıryqsha nazar aýdaryldy. Qatysýshylar Qazaqstan­nyń je­tistikterine, sondaı-aq, eki­jaq­ty yntymaqtastyq pen onyń áleýetine joǵary baǵa berdi. Aldaǵy maý­sym aıy­na josparlanǵan gol­land dele­­gasııa­synyń EKSPO-2017 kórmesine sapary, parla­men­taralyq baılanys­tardy damytý, sondaı-aq eki eldiń BUU Qaýipsizdik Keńesine múshe retin­degi ózara yqpaldas­tyǵy Qazaq­stan men Nıderland ara­­syn­daǵy qa­ty­nastardy nyǵaıtý­ǵa yqpal etetini kólde­neń tartyldy, dep habarlady Qazaq­stan Respýblıkasy Syrtqy ister mınıstrliginiń baspasóz qyzmeti.