«Metasyzba» ádisimen oqytý ereksheligi

Almatyda oqý baǵdarlamalary birin- biri qaıtalamaıtyn respýblıkalyq deń­geıdegi birqatar mektep-ınternattar bar. Degenmen, deńgeıi osy mektepter­men talasatyn erekshe bilim meke­me­si­niń biri – M.Gandı atyndaǵy №92 ma­man­dandyrylǵan lıseı. Atalǵan mektep shá­kirt­terin ǵaryshtyq zertteýlerge, jaratylystaný pánderi men aqparattyq tehnologııalarǵa beıimdeıdi. Osy mektepke jýyrda elimizdiń 14 óńirinen 100-ge tar­ta muǵalim jınalyp, respýblıkalyq «Bi­lim berý mazmunyn jańartýda ulttyq ın­no­vasııalyq mektep modelin qurý» atty se­mınarǵa qatysty. Tájirıbe almasý tur­ǵysynda ótken semınarda aldymen «Me­tasyzba» ádisimen oqytýdyń jańa stra­tegııasy tanys­tyryldy. lıseıdiń ózin­de oqytýdyń jańa 7 tásili engizilgen. Ulttyq ınnovasııalyq mektep úlgisin qu­rýda oqý-bilim baǵdarlamalaryn me­tapánmen ushtastyrýdyń tıimdiligin dá­leldeýge kóshken bilim ordasynyń eleń­de­terlikteı erekshe tabystary joq emes. Metapán – standarttyq bilim maz­mu­ny­men ǵana shektelmeı, ár pánniń ǵy­ly­mı mazmunyn júıelep, taldap, saraptap, zertteý júrgizip, ózindik tujyrym ja­sa­ýǵa, jeke tulǵalyq is-árekettiń qalyptasýyna, shyǵarmashylyq turǵyda oılaýǵa negiz bolatyn ınnovasııalyq ádis. Sonymen, semınarda qoǵamdyq-gý­ma­nıtarlyq jáne estetıkalyq baǵyt boı­ynsha – 15, jaratylystaný-ma­te­matıkalyq baǵyttar boıynsha 15 ashyq sabaq júrgizilip, ile-shala «Met­a­­- syz­ba» taqyrybynda sheberlik dá­ris­­teri ótkizildi. Respýblıkalyq jıyn­da jańa oqý ádistemesiniń avtor­la­ry Er­ulan Jı­en­­baev pen Mels Turarbekov «Me­ta­pán – ınnovasııalyq mek­tep­tiń oqy­­tý qu­ra­ly» atty keshendi ınter­pre­ta­sııalyq tu­saýkeserler ótkizdi. Muǵa­lim­­d­erdiń qy­­zyqty basqosýy «Bilim be­­rý­diń ınno­va­­sııalyq strategııasy – je­ke tul­ǵa­nyń tu­­raqty damý fakto­ry» jo­ba­lyq zertteýler kórmesine jal­ǵasty. Bir jaǵynan bul semınar teorııany tek tynymsyz eńbek qana tiriltetinine ustazdardyń kózin taǵy da jetkizip otyr. Mektep oqýshylarynyń kóp qyr­ly ta­qy­ryptardy ıgerýimen qatar, zert­teý ju­mystaryn praktıkalyq daı­yn ónim deń­g­eıine deıin jetildirýi jo­ǵa­rydaǵy paıymdy dáıekteı tústi. Lıseı dálizine tizilgen 30-dan astam jo­ba mektep shákirtteriniń salmaqty zer­tteýlermen aınalysa alatyndyǵyn kór­­setip berdi. «Kishkentaı ǵalymdar» ja­saǵan qurylǵylar elimizdiń shal­ǵaı­y­nan kelgen ustazdar qaýymyn da tánti etti. Mekteptegi «Erýdıtter» uıymy, eli­mizdegi jalǵyz radıostansıonarlyq «RadioLab» shyǵarmashylyq birlestigi, ro­bo­totehnıka baǵytyndaǵy «OMIX» jáne «Kókpar» klýbtary, mektepishilik «Jas as­tro­nomdar» observatorııalyq zer­thana­sy, «Stretchıng» fızıo­te­ra­pııalyq klýby, onlaın rejimdi «Shahmat» úıirmesi, «Úndi ortalyǵy» kórmesi, «Jas hımıkter», «Alhımık», «Jas dárigerler», «Bı­o­z­­ertteýshiler», «Jas ssenarıst» shy­­ǵarmashylyq klýby men 3D prınter­men jabdyqtalǵan kásibı telestýdııa jáne ınnovasııalyq zerthana jumystary qa­zirgi qazaq mek­tepteriniń jan-jaqty bilimdi oqý­shy daıarlaýǵa umtylysyn kórsetedi. Aınash ESALI, «Egemen Qazaqstan» Sýretti túsirgen avtor ALMATY