Elimizde alǵash ret ımamdar halyq aldynda esep bere bastady

Elimizde alǵash ret ımamdar halyq aldynda esep berýde. Pılottyq jobany alǵash bolyp  Ońtústik Qazaqstan oblysynyń din qyzmetkerleri júzege asyrdy. О́ńirdiń bas ımamy  Ahmetjan qajy Kerimbek  bir aıǵa jýyq ýaqyt aralyǵynda qala, aýdan turǵyndarymen kezdesip,  olardyń san túrli saýaldaryna jaýap berdi, dep habarlaıdy QazAqparat. Oblystyń 9 qala, aýdanyn aralap shyqqan din qyzmetkeri halyqtyń kókeıinde júrgen birqatar problemalarymen tanysqan. Bul týraly bas ımam din salasy ókilderiniń  basyn qosqan alqaly jıynda sóz etti. Ahmetjan qajy Kerimbek ózi esep berip bolǵan soń, osyndaı sharalardy qala, aýdan ımamdary da ótkizetinin málimdedi. Jyl sońyna deıin aýyl ımamdarynyń esebin tyńdaý josparlanyp qoıǵan. Osylaısha, dinı kózqaras máselelerin halyqpen birlesip sheshýge tyrysýda. Aıta keteıik, ilki jobany qoldaǵan Qazaqstan Musylmandary dinı basqarmasy endi barlyq óńirlerde ımamdardyń esep berýin engizbek.