Golovkın Boxing News jýrnalynyń muqabasyna shyqty

Orta salmaqta WBA (Super), IBO, WBC jáne IBF tujyrymdary boıynsha álem chempıony qazaqstandyq boksshy Gennadıı Golovkın (36-0, 33 KO) Boxing News jýrnalynyń muqabasyna shyqty, - dep habarlaıdy Vesti.kz. Jýrnaldyń muqabasynda Golovkınniń tórt chempıondyq belbeýimen túsken sýreti beınelengen. Jýrnaldyń bul shyǵarylymy qazaqstandyq boksshy men amerıkalyq Denıel Djeıkobspen ótetin jekpe-jekke arnalyp, "Storm warning" ("Daýyldy eskertý") degen ataýmen shyqqan. Sonymen qatar shyǵarylymda bul kezdesýdiń GGG-ge nelikten qıynǵa soǵatynyn jáne Djeıkobstyń nelikten jeńimpaz atanýy múmkin ekeni jazylǵan. Bir aıta keterligi, Boxing News jýrnaly 1909 jyldan bastap shyǵady. Esterińizge sala ketsek, Golovkın - Djeıkobs jekpe-jegi 18 naýryzda Nıý-Iorkte ótedi. Jekpe-jekti "Qazaqstan" jáne KazSport arnalary kórsetedi. Translıasııa 19 naýryz kúni 08:00-de bastalady.