QR IIM ýaqytsha tirkeýge jatpaıtyn azamattar sanatyn atady

QR IIM Memlekettik til jəne aqparat departamentiniń dırektory Almas Sadýbaev óziniń Feısbýktegi paraqshasynda  ýaqytsha tirkeýden bosatylatyn azamattar sanatyn atady. «Azamattardy tirkeýge qatysty máseleni aıta keteıin. Jańadan salynǵan úılerdiń tıisti qujattary daıyn emes, sol sebepti osyndaı úılerde turyp jatqan azamattar turǵylyqty jeri boıynsha tirkele almaıdy. Osy jaǵdaıǵa baılanysty biz Joǵary sot, Bas prokýratýra, Ádilet mınıstrligimen arnaıy sheshim qabyldadyq. Jańadan salynǵan úılerde turyp jatqandardy jaýapkershilikke tartý durys emes. Osy sheshimge sáıkes, oblystardaǵy kóshi-qon polısııasy bólimshelerine tıisti túsiniktemeler berildi. Buǵan qosa, Úkimet Qaýlysynyń jobasyna tolyqtyrý engizildi. Ol ýaqytsha tirkeýge jatpaıtyn azamattardyń sanatyn qarastyrady. Bular 16 jasqa tolmaǵan balalar, naýqas azamattar jáne emdelýde jatqandar, vahtalyq ádispen jumys jasaıtyndar, əskerdegi sarbazdar», - dep jazdy Almas Sadýbaev.