«Barystyń» baǵy janbady

Qurlyqtyq hokkeı lıga­syndaǵy pleı-off kezeńiniń shırek fınalynda óner kórset­ken Astananyń «Barys­y» Mag­nıtogorskiniń «Metal­lýrgimen» tórtinshi ret kezdesip, bul joly da utylyp qaldy. Esep – 2:3. Alǵashqy úsh oıynda ese jibergen elordalyqtar oıyn bastala sala alǵa umtyldy. Kezdesýdiń 11-mınýtynda Bren­don Bochenskıden pas alǵan Naıdjel Doýs qonaqtar qaqpasyn dál kózdep, esep ashty. Ekinshi kezeńde qos komanda qaýipti shabýyldar uıymdastyrǵanymen, gol soǵylmady. Degenmen, sońǵy kezdesýde jankúıerler úsh birdeı shaıbanyń kýási boldy. Oı­yn­shy basymdyǵyn sátti paı­dalanǵan qonaqtar úsh mınýtta astanalyqtardy eki ret qapy qaldyryp úlgerdi. 46-mınýt­ta Iаn Kovarj tarazy basyn teńestirse, 49-mınýtta Krıs Lı «Metallýrgti» alǵa shyǵardy. О́z aıdynynda óner kórsetip jatqan «Barys» baryn salyp, 53-mınýtta esepti teńestirdi – 2:2. Bul tusta Nıkıta Mıhaılıs mergendigimen tanyldy. Negizgi ýaqyttyń sońyna deıin osy esep saqtalyp, jeńimpaz komanda overtaım arqyly anyqtaldy. Edýard Zankoves shákirtteri úshin bul kezde naǵyz syn saǵaty soǵylǵan-dy. О́kinishke qaraı, bul joly da qonaqtardyń mereıi ústem bolyp, jeńisti julyp áketti. 79-mınýtta Iаn Kovarj kezekti ret kózge túsip, óz ujymynyń kelesi raýndqa ótýine sebepshi boldy. Sonymen, «Barys» pen «Metal­lýrg» arasyndaǵy serııa­lyq match­tar máresine jetti. Jal­p­y esepte jerlesterimiz 0:4 bolyp jeńilip, QHL-daǵy toǵy­zyn­shy maýsymyn osylaısha aıaqtady. Aıta ketken jón, «Barys» óz tarıhynda osymen segizinshi ret pleı-off kezeńinde óner kórsetti. Aıan ÁBDÝÁLI, «Egemen Qazaqstan» ASTANA