Parlamentaralyq Assambleıa otyrysy ótti

Qazaqstan Parlamenti Senatynyń Tóraǵasy Qasym-Jomart Toqaev bas­ta­ǵan joǵarǵy palatanyń delegasııasy Sankt-Peterbýrgte ótken TMD-ǵa qatysýshy memleketter Parlamentaralyq Assambleıasynyń qyryq besinshi otyrysyna qatysty, dep habarlady Senattyń baspasóz qyzmeti. Buǵan deıin habarlanǵanyndaı, 24 qarasha kúni keshkisin kórnekti qoǵam jáne memleket qaıratkeri, ult-azattyq jáne Alash qozǵalysy­nyń jetekshisi, Alashorda avtono­mııa­lyq úkimetiniń tóraǵasy, pýblısıst, ǵalym, aýdarmashy, Semeı oblysynyń atynan I Memlekettik Dýma depýtaty Álıhan Bókeıhanov músininiń ashylý saltanaty bolǵan edi. Onda Qazaqstan Parla­menti Májilisiniń Tóraǵasy Nurlan Nyǵ­matýlın quttyqtaý sóz sóıledi: – Eki el Prezıdentteri Nursultan Nazarbaev pen Vladımır Pýtınniń syndarly jáne batyl saıasaty búgingi kúni Qazaqstan men Reseı­diń eýrazııalyq keńistikte ınte­grasııanyń qozǵaýshy kúshine aınalýyna jol ashty. Qazaqstan Táýel­sizdiginiń 25 jyldyǵy qar­sańyn­da osy eskertkishtiń ashylýy­nyń mańyzy erekshe. Osy ýaqyttar ishin­de bizdiń elderimiz TMD keńis­t­i­gin­de strategııalyq jáne odaqtas áriptestiktiń jarqyn úlgisin kórsetip keledi, – dep atap ótti Májilis Tóraǵasy. Músin Tavrııa saraıynyń atrıýmynda ornalasady. Qola músinniń bıiktigi 2 metrden asady. Músin Qazaqstan Parlamentiniń depýtattary jınaǵan qarjyǵa jasaldy. Aıta keteıik, osy jyly Álıhan Nur­muha­med­ulynyń týǵanyna 150 jyl tolyp otyr. Á.Bókeıhanov Omby tehnıkalyq ýchılıshesin aıaqtaǵan soń, Sankt-Peterbýrgtegi Orman ıns­tıtýtyna oqýǵa túsken. Al keshegi ótken otyrys barysynda bas­ty nazar TMD elderindegi bilim berýdi damytý máselelerine aýdaryldy. Sharaǵa qatysýshylar «Inklıýzıvti bilim berý týraly», «Eresekterge bilim berý týraly», «Aralyq sottar jáne aralyq talqylaýǵa tórelik týraly», «Parlamenttik tergeý týraly», «Jergilikti bılik organdarynyń shekaralyq yntymaqtastyqqa qatysý tártibi týraly», «Saqtandyrý medısınasy týraly», «Elektrondyq qujattardy transshekaralyq aqparattyq almasý týraly», «Elektrondyq úkimet týraly», «Áleýmettik-mádenı qyzmet týraly», «Úkimettik emes uıymdar týraly», «Iri sporttyq sharalarda qaýipsizdikti qam­tama­syz etý týraly», «Jol júrisi qaýipsizdigi týraly», «Avarııalyq-qutqarý qyzmeti jáne qutqarýshylar mártebesi týraly» úlgi retindegi zańdar qabyldady. TMD PAA Qarýly qaqtyǵystar kezeńinde jáne basqa zorlyq-zombylyq jaǵdaılarynda medısınalyq qyz­met­ker­lerdi jáne densaýlyq saqtaý nysandaryn qorǵaý jónindegi usynym­dardy jáne Uıymdardy terrorıstik jáne ekstre­mıstik sıpatqa jatqyzý másele­leri boıynsha TMD-ǵa qatysýshy memle­ketterdiń ulttyq zańnamalaryn jetil­dirý jáne úılestirý jónindegi usynymdardy qabyldady. TMD-ǵa qatysýshy memleketterge ar­nalǵan úlgi retindegi Kitaphana kodeksi men «Inter­­netti retteýdiń negizderi týra­­ly» Zań jańa mátinde bekitildi. Odan bas­qa, oty­rysta «Memlekettik shekara tý­­raly» úlgi retindegi túsindirme qaral­dy. Tavrııa saraıynda sondaı-aq, eki memleket parlamentteri palata tóraǵalarynyń orynbasarlary Sergeı Gromov pen Ilıas Ýmahanovtyń tóraǵalyq etýimen Qazaq­stan Parla­mentiniń Senaty men Reseıdiń Fede­rasııa Keńesi arasyndaǵy Parlamenttik ynty­­maqtastyq komıte­tiniń kezekti otyrysy boldy. Otyrysqa Qazaqstan jaǵynan Ser­geı Plotnıkov, Se­rik Bekturǵanov, Serik Jaqsy­bekov, Je­ńis Nurǵalıev jáne Vladımır Redko­kashın de qatysty.