26 qarashaǵa arnalǵan aýa raıy

Búgin Qazaqstannyń basym bóliginde atmosferalyq fronttyń ótýine baılanysty qar, jaýyn-shashyn kútiledi, tek ońtústik-batysta aýa raıy jaýyn-shashynsyz. Keı jerlerde tuman, kóktaıǵaq, burqasyn bolyp, jel kúsheıedi, dep habarlaıdy QR IIM TJK baspasóz qyzmeti. Aqmola oblysynda keı jerlerde jaıaý burqasyn soǵyp,  jeldiń jyldamdyǵy 15-20, ekpini 23 m/s-ǵa deıin  kúsheıedi. Qostanaı, Soltústik Qazaqstan oblystarynda  jeldiń jyldamdyǵy 15-20, keı jerlerde 25 m/s-ǵa deıin kúsheıedi. Pavlodar, Shyǵys Qazaqstan oblystarynda, túnde Qaraǵandy oblystarynyń keı jerlerinde burqasyn kútiledi, jel 15-23 m/s kúsheıedi. Batys Qazaqstan, Atyraý oblystarynyń keı jerlerinde tuman, kóktaıǵaq bolady, Atyraý oblysynda jeldiń ekpini 17-22 m/s bolady. Mańǵystaý, Aqtóbe oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi, kúndiz Aqtóbe olysynyń keı jerlerinde tuman, kóktaıǵaq, burqasyn bolady. Jambyl oblysynyń keı jerlerinde tuman, kótaıǵaq, kúndiz jel 15-20 m/s kúsheıedi. Ońtústik Qazaqstan oblysynyń keı jerlerinde tuman, kóktaıǵaq, burqasyn, jel 15-23 m/s kúsheıedi. Qyzylorda oblysynyń keı jerlerinde kóktaıǵaq, kúndiz burqasyn, jel 15-20 m/s kúsheıedi. Almaty oblysynyń keı jerlerinde tuman bolady.