Astanada Ábish Kekilbaevtyń asy berildi

Astanada Radisson qonaq úıinde qazaq ədebıetiniń klassıgi Əbish Kekilbaevtyń asy berildi. Saǵat túski birge belgilengen jıynǵa bes júzge jýyq adam keldi. Olardyń ishinde laýazymdy tulǵalar, memleket jəne qoǵam qaıratkerleri, zııaly qaýym ókilderi jəne jazýshynyń jaqyndary bar. "Alashtyń abyzy" atanǵan jazýshynyń qaıtys bolýyna jyl tolýyna oraı ótken qonaqasyda ol kisiniń úlken qasıetterin baǵalaǵan júrekjardy estelikter, qımas sózder kóptep aıtyldy. Memlekettik hatshy Gúlshara Əbdihalyqova "Əbish aǵamyzdyń "Shyńyraý", "Úrker", "Eleń-alań" shyǵarmalary halqymyzdyń azattyqqa umtylysyn kórsetti. Olar əlem ədebıetiniń altyn qoryna kiretin týyndylar", dedi. "Rýhanı kósemderimizdiń biri edi. Adal edi. Adamdardy jaqsy kórýshi edi". Bul búkil sózin Kekilbaevtyń adamgershilik qasıetine arnaǵan memleket qaıratkeri О́mirbek Baıgeldiniń sózi. Jazýshy Nurlan Orazalın hakimdik pen əkimdikti qatar ustaǵan qazaq ulylarynyń izin jalǵastyrýshy ekenin aıtty. As barysynda Ábish Kekilbaev týraly fılm kórsetildi. Qonaqtarǵa qalamgerdiń kúni keshe "Egemenniń kitaphanasy" serııasymen baspadan shyqqan, "Egemen Qazaqstanda" jaryq kórgen maqalalary jınaqtalǵan "Dəýir daýysy" kitaby tartý etildi.