Elimizdiń ınnovasııa salasyndaǵy úzdik óńiri anyqtaldy

Investısııalar jáne damý mınıstrligi júrgizgen ulttyq ınnovasııalyq baıqaýdyń qorytyndysy boıynsha Shyǵys Qazaqstan «Eń ınnovasııalyq-belsendi óńir» nomınasııasyna laıyq dep tanyldy, dep habarlady óńirdiń aqparattyq ortalyǵy. Innovasııa baıqaýy Qazaqstanda 2005 jyldan bastap ótip keledi. Sol ýaqyttan bastap oǵan eldiń barlyq óńirinen 5000-nan astam ınnovatorlar qatysty. 2016 jyly nomınasııanyń ár túri boıynsha úzdik jobalar aıqyndaldy. Onyń biri «Eń ınnovasııalyq belsendi óńir» atalymynda jeńimpaz atanǵan Shyǵys Qazaqstanda  ınnovasııalyq kásiporyndar sany kóp, granttar alýǵa berilgen jobalar men ótinimder qoldaý tapqan. «Eń ınnovasııalyq belsendi óńir» nomınasııasy óńirler ishinde básekelestikti yntalandyrý jáne qurý, sondaı-aq ınnovasııalyq áleýetti, ınfraqurylymdy damytý, ınvestısııa tartý maqsatynda jáne QR ınnovasııalyq damý boıynsha memlekettik baǵdarlamalardy tıimdi iske asyrý úshin jobaǵa engizildi. Dástúr boıynsha baıqaý jeńimpazdary men júldegerlerine «Orta mektepter oqýshylary arasyndaǵy úzdik ınnovasııalyq joba», «Stýdentter arasynda úzdik ınnovasııalyq joba», «Úzdik rasıonalızatorlyq usynys» ataǵy berildi.