Qazaqstannyń eń taza qalasy anyqtaldy

Jaqynda OLX servısi júrgizgen zertteý nátıjesinde Qazaqstannyń eń taza jáne eń las qalalary anyqtaldy. «Minsiz qala» jobasy aıasynda qazaqstandyqtar arasynda eń taza qalany anyqtaý maqsatynda saýalnama júrgizildi. Turǵyndar qaladaǵy tazalyqqa 1-den 7-ge deıingi shkala boıynsha baǵa berdi. Zertteýde kóshelerdegi tazalyq pen tártip, aýanyń tazalyǵy jáne kommýnaldyq qyzmetter nazarǵa alyndy. Bul jolǵy zertteýdiń ózgelerden bir aıyrmashylyǵy – reıtıngte sarapshylardyń emes, qala turǵyndarynyń pikiri eskerilgen. Saýalnamaǵa sáıkes, elimizdiń eń iri 20 shaharynyń ishinde Qostanaı eń taza qala atandy. Jalpy reıtıngte ol 21 baldyń 13,8-in jınaǵan. Ásirese, qostanaılyqtardyń aýanyń tazalyǵyna kóńili tolady eken. Kommýnaldyq qyzmetterdiń jumysyn 3,7 balǵa baǵalaǵan. Tazalyq jaǵynan ekinshi orynda – Oral qalasy. Jalpy upaıy – 13,7. Úshtikke 13,6 balmen Taldyqorǵan qalasy endi. Al elimizdiń bas qalasy – Astana úzdik bestikke de kire almady. Elordamyz Kókshetaýmen birge altynshy orynda tur. Qos qalada 13,1 baldan bar. Al 4 jáne 5 oryndarda – Shymkent (13,5) pen Petropavl (13,3). Eń taza 10 qalanyń ishine Taraz (12,6), Aqtaý (11,9), Pavlodar (11,7) jáne Rýdnyı (11,6 ball) kirgen. Tazalyqtyń jalpy reıtınginde eń tómen ball jınaǵan qalalar qatarynda Semeı (9,5) men Temirtaý (7,5) bar. Qaraǵandy men О́skemen de (ekeýinde de –9,6 baldan) ózgelermen salystyrǵanda, las bolyp shyqty. Almaty qalasy tipti, ondyqqa da kire almady.