Aqtóbedegi alty ıgilik

Aqtóbede Qazaqstan Respýblıkasynyń Tuńǵysh Prezıdenti kúnine oraı jáne Táýelsizdiktiń 25 jyldyǵy qarsańynda birneshe áleýmettik jańa nysandar ashylyp, eki iri kásiporyn paıdalanýǵa berildi. Áýeli oblys ákimi Berdibek Saparbaev pen «Qazaqstandyq ıpo­te­­kalyq kompanııa» AQ bas­qar­­ma­synyń tóraǵasy Ádil Muha­medjanov «Nurly jol» baǵdar­lama­sy aıasynda «Báıterek» UBH en­shiles uıymy – Qazaqstandyq ıpo­te­kalyq kompanııasy salǵan turǵyn úıden aqtóbelik 25 otbasyǵa jańa páterlerdiń kiltterin sal­tanatty jaǵdaıda tapsyryp, qonys toılarymen quttyqtady. О́ńir basshysy «Batys-2» sha­ǵyn aýdanynda «Nektar» bala­­baq­shasynyń saltanatty ashy­lýyna qatysty. 320 oryndyq «Nektar» mektepke deıingi balalar meke­m­esi eki qabatty, jalpy aýmaǵy 6,5 myń sharshy metrdi quraıdy. Munan keıin Berdibek Saparbaev oblystyq aýrýhana alańynda sý jańa 16 «Mersedes-Bens» markaly reanımobıldiń kiltterin jedel járdem brıgadalaryna saltanatty jaǵdaıda tapsyrdy. Kelesi kezekte Berdibek Sapar­baev oblys­tyq mamandandyryl­ǵan fızı­ka-matematıkalyq mektep-ınter­na­ty­nyń saltanatty ashylýy­na da qa­tysty. Buǵan deıin bul mek­tep-ınternat ıkemdelgen eski ǵı­ma­­ratta ornalasqan-dy. Endi mine, mem­leket pen jekemenshiktiń áriptes­tigi arqyly jańa ǵımaratqa kóshti. Aımaq basshysy jańadan paı­dalanýǵa berilgen «Saılan» JShS magnı untaǵy jáne «Hromıks» pıgment-toltyrǵysh óndiristik sehyna da bardy. Jobanyń negizgi baǵyty quramynda hrom bar qal­dyqtardy kádege jaratý bolyp tabylady. «Hromıks» pıgment-toltyrǵysh jáne magnı untaǵy óndirisiniń jobalyq quny 650 mln teńge turady. Sondaı-aq, Berdibek Saparbaev «Aqtóbe qalalyq sal aýrýlaryna shaldyqqan azamatardy qoldaý ortalyǵy» qoǵamdyq birlestiginde bolyp, múmkindigi shekteýli jan­dar­dyń jaǵdaıymen tanysty. Satybaldy SÁÝIRBAI, «Egemen Qazaqstan» AQTО́BE