Jaqynda OQO-da taýar óndirýshiler veb-portalynyń tanystyrylymy ótti. Ońtústik Qazaqstan oblysyna qarasty 14 aýdanda ótken jıynǵa uzyn-yrǵasy 1000-ǵa jýyq kásiporyn jetekshileri qatysty.
Atalmysh shara qarashynyń 21-29 aralyǵynda uıymdastyrylǵan bolatyn. Saıram aýdanynan bastalyp Maqtaralda márege jetken jıynda otandyq taýar óndirýshiler óz oılaryn ortaǵa salyp, óndirýshi kásiporyndardyń ónimderiniń ótimdiligin joǵarylatýda ám qoljetimdilik pen suranysty arttyrýda negizgi tendensııalardy talqyǵa saldy.
Aıta keteıik, atalǵan baǵytta oblys ákiminiń bastamasymen «ONTUSTIK» Kásipkerlerge qyzmet kórsetý ortalyǵy biregeı joba
www.ondiris.kz taýar óndirýshiler veb-portalyn iske qosylǵan bolatyn.
ONDIRIS.KZ – bul menshik nysany men túrli salalar boıynsha taýar óndirýshiler jáne kásiporyndardyń bazasyn biriktiredi. Munda árbir qalaǵan kásipker aımaqtardy jikteý fıltri arqyly, ózine qajetinshe kontragent taba alady: ónim berýshi, satyp alýshy, tutynýshylar, kompanııalar men túrli saladaǵy fırmalar.
Veb portalǵa ózi týraly málimetterdi ornalastyrý kásipkerler úshin tegin. Qazirgi tańda portalda OQO boıynsha negizgi 14 salalyq baǵytta 1000-nan asa otandyq taýar óndirýshilerdiń profılderi, 2 myńnan astam taýarlar ornalastyrylǵan. Sondaı-aq, negizgi portalmen qatar, jýyq arada ONDIRIS.KZ mobıldik qosymshasy iske qosylyp, jylyna eki ret arnaıy ONDIRIS.KZ jýrnaly basylyp taratylatyn bolady. Jýyq arada atalmysh qosymshany smartfonǵa Android jáne iOS platformalarynan júktep alýǵa múmkindik týady. Mobıldik qosymsha óz kezeginde árbir qoldanýshyǵa kez-kelgen ýaqytta jeke profılde yńǵaıly jumys isteýge septigin tıgizbek.
