Qazaqstan Respýblıkasy Úkimetiniń qaýlysy №829

2011 jylǵy 18 shilde,  Astana, Úkimet úıi Áýejaıdyń avıasııalyq qaýipsizdik qyzmetiniń qarap tekserýdi uıymdastyrýy jónindegi sertıfıkattaý talaptaryn jáne qarap tekserý kezinde qoldanylatyn tehnıkalyq quraldarǵa qoıylatyn talaptardy bekitý týraly «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 13-babynyń 51) tarmaqshasyna jáne 107-babynyń 6-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan: 1) áýejaıdyń avıasııalyq qaýipsizdik qyzmetiniń qarap tekserýdi uıymdastyrýy jónindegi sertıfıkattaý talaptary; 2) qarap tekserý kezinde qoldanylatyn tehnıkalyq quraldarǵa qoıylatyn talaptar bekitilsin. 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń  Premer-Mınıstri   K. MÁSIMOV. Qazaqstan Respýblıkasy Úkimetiniń 2011 jylǵy 18 shildedegi №829 qaýlysymen bekitilgen Áýejaıdyń avıasııalyq qaýipsizdik qyzmetiniń qarap tekserýdi uıymdastyrýy jónindegi sertıfıkattaý talaptary 1. Jalpy erejeler 1. Osy Áýejaıdyń avıasııalyq qaýipsizdik qyzmetiniń qarap tekserýdi uıymdastyrýy jónindegi sertıfıkattaý talaptary (budan ári – sertıfıkattaý talaptary) «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 13-babynyń 51) tarmaqshasyna sáıkes ázirlendi jáne áýejaılardyń avıasııalyq qaýipsizdik qyzmetterine qoıylatyn qarap tekserýdi uıymdastyrý jónindegi sertıfıkattaý talaptaryn belgileıdi. 2. Osy sertıfıkattaý talaptarynda paıdalanylatyn termınder men anyqtamalar: 1) qarap tekserý kezinde qoldanylatyn tehnıkalyq quraldar – jolaýshylardy, qol júgin, júkti, bagajdy, poshtany, borttaǵy qordy, áýe kemeleri ekıpajdarynyń múshelerin, avıasııalyq personaldy qarap tekserýdi júzege asyrý kezinde derbes nemese qandaı da bir júıeniń bóligi retinde paıdalanýǵa arnalǵan arnaıy qurylǵy; 2) azamattyq avıasııa salasyndaǵy ýákiletti organ (budan ári – ýákiletti organ) – Qazaqstan Respýblıkasynyń áýe keńistigin paıdalaný jáne azamattyq jáne eksperımenttik avıasııa qyzmeti salasynda basshylyqty júzege asyratyn ortalyq atqarýshy organ; 3) ótinish berýshi – áýejaıdyń avıasııalyq qaýipsizdik qyzmetiniń qarap tekserýdi uıymdastyrýy jóninde sertıfıkat alý úshin azamattyq avıasııa salasyndaǵy ýákiletti organǵa júgingen áýejaı paıdalanýshysy. 2. Áýejaıdyń avıasııalyq qaýipsizdik qyzmetiniń qarap tekserýdi uıymdastyrýy jónindegi sertıfıkattaý talaptary 3. Áýejaıdyń avıasııalyq qaýipsizdik qyzmeti (budan ári – áýejaıdyń AQQ) áýejaıdyń AQQ qarap tekserýdi uıymdastyrýy jónindegi sertıfıkat alý úshin sáıkes kelýge tıis sertıfıkattaý talaptary: 1) Qazaqstan Respýblıkasy Úkimetiniń 2010 jylǵy 31 jeltoqsandaǵy №1483 qpú qaýlysymen bekitilgen Avıasııalyq qaýipsizdik qyzmeti týraly úlgi erejege sáıkes ázirlengen áýejaıdyń AQQ týraly ereje; 2) áýejaıdyń AQQ qurylymy men shtat kestesiniń bolýy; 3) áýejaıdyń birinshi basshysy bekitken áýejaıdyń avıasııalyq qaýipsizdik jónindegi nusqaýlyǵy (baǵdarlamasy); 4) qarap tekserý kezinde qoldanylatyn tehnıkalyq quraldar; 5) Qazaqstan Respýblıkasy Kólik jáne kommýnıkasııa mınıstriniń 2010 jylǵy 26 tamyzdaǵy № 385 buıryǵymen bekitilgen Avıasııalyq qaýipsizdik qyzmeti mamandaryn, azamattyq avıasııa salasyndaǵy ýákiletti organnyń avıasııalyq qaýipsizdik jáne ushý qaýipsizdigi máseleleri jónindegi laýazymdy adamdaryn daıarlaý jáne qaıta daıarlaý baǵdarlamasyna sáıkes ázirlengen áýejaıdyń AQQ avıasııalyq qaýipsizdik boıynsha daıarlaý jáne qaıta daıarlaý baǵdarlamasy; 6) Qazaqstan Respýblıkasynyń Úkimeti bekitetin avıasııalyq qaýipsizdikti saqtaý sapasyna baqylaý júrgizý qaǵıdasynyń talaptaryna sáıkes ázirlengen avıasııalyq qaýipsizdik sharalarynyń sapasyn ishki baqylaý baǵdarlamasy; 7) áýejaı AQQ-nyń qyzmettik jáne turmystyq úı-jaılary; 8) baılanys quraldarymen, jaryqpen, týrnıkettermen, dabyl sıgnaly júıesimen, qarap tekserýdiń stasıonarlyq tehnıkalyq quraldarymen jabdyqtalǵan baqylaý-ótkizý pýnktteri (budan ári – BО́P); 9) Qazaqstan Respýblıkasynyń Úkimeti bekitetin Azamattyq avıasııanyń avıasııalyq qaýipsizdik jónindegi nusqaýlyǵyna (baǵdarlamasyna) sáıkes áýe kemesiniń bortynda qarý-jaraqty, oq-dárini tasymaldaý jónindegi nusqaýlyq; 10) áýejaıdyń birinshi basshysy bekitken elektr energııasy ajyratylǵan nemese qarap tekserýge arnalǵan jabdyq synǵan jaǵdaıda AQQ personalynyń is-qımyly jónindegi nusqaýlyq; 11) stasıonarlyq metall izdegishtermen, rentgen-televızııa qondyrǵylarymen, portatıvti metall izdegishtermen jabdyqtalǵan ushý aldyndaǵy qarap tekserý pýnktteri; 12) jeke (derbes) qarap tekserýdi júrgizýge arnalǵan úı-jaı (bólme); 13) ushý kezeńinde jolaýshylar ýaqytsha saqtaý úshin jolaýshylar bergen qarý-jaraqty, oq-dárini jáne onyń patrondaryn, arnaıy quraldardy qabyldaýǵa (berýge), tekserýge jáne resimdeýge arnalǵan úı-jaı (bólme), bul úı-jaı jolaýshylarǵa qyzmet kórsetýge yńǵaıly oryndarda ushý aldynda qarap tekserý pýnktterine jaqyn ornalasady; 14) qarap tekserý kezinde jolaýshylardan alynǵan, áýemen tasymaldaýǵa tyıym salynǵan qaýipti zattar men nárselerdi ýaqytsha saqtaýǵa arnalǵan úı-jaı; 15) jolaýshylardy ushý aldynda qarap tekserý pýnktteri men áýe kemeleri arasyndaǵy aımaqtar, olarǵa kirý qatań baqylanady; 16) jolaýshylardy tirkeý aımaqtarynda avıasııalyq qaýipsizdik jónindegi arnaıy aqparaty bar plakattar ilinedi, onda mynalar kórsetiledi: áýe kóliginde tasymaldaýǵa tyıym salynǵan qaýipti zattar men nárselerdiń tizbesi; áýe kemelerinde qarý-jaraqty, oq-dárini, arnaıy quraldardy, radıo, foto jáne beıneapparatýrany, elektrondyq-esepteý jáne televızııa tehnıkasyn tasymaldaý qaǵıdasy, sondaı-aq qol júgin alyp júrýdiń ruqsat etiletin normalary; 17) qarap tekserýden ótken jolaýshylardyń qarap tekserýden ótpegen jolaýshylarmen nemese shyǵaryp salýshylarmen qarym-qatynasyn boldyrmaý úshin qarap tekserý pýnktteri qorshalady; 18) áýejaıdyń birinshi basshysy bekitken jolaýshylardy, qol júgin, áýe kemeleri ekıpajdarynyń múshelerin jáne avıasııa personalyn ushý aldynda qarap tekserýdiń tehnologııasy, ol mynalardy qamtıdy: árbir qarap tekserý pýnktiniń personalmen jasaqtalýy (jolaýshylardy ushý aldynda qarap tekserý pýnktindegi personal sany 4 mamannan kem bolmaýǵa tıis), aýysym boıy jumys oryndaryn únemi rotasııalaýdy júzege asyrý; jolaýshynyń jeke zattaryn qarap tekserý tártibi (tehnıkalyq quraldardy paıdalana otyryp, jolaýshylardyń syrtqy kıimin, bas kıimderin, aıaq kıimin, belbeýlerin, jumysqa qabilettiligin ımıtasııalaı otyryp, kompıýterlik jáne turmystyq tehnıkany mindetti túrde qarap tekserý); suıyqtyqtardy, aerozolder men gelderdi qarap tekserý tártibi; qarap tekserý nemese zattardy qolmen qarap tekserý kezinde qoldanylatyn tehnıkalyq quraldardy paıdalanǵanda kúdikti zattar tabylǵan kezdegi is-qımyl tártibi; iriktep tekserýge qatysty talaptar (keminde 10 % iriktep qolmen qarap tekserýge tartylady); ishki ister organdarymen ózara is-qımyl tártibi; resmı delegasııalar zaly arqyly ótetin jolaýshylardy qarap tekserý rásimderi; tranzıtpen nemese transferttik reıspen ótetin jolaýshylardy qarap tekserý tártibi; Qazaqstan Respýblıkasynyń Úkimeti bekitetin Azamattyq avıasııanyń avıasııalyq qaýipsizdigi jónindegi nusqaýlyqqa (baǵdarlamaǵa) sáıkes jolaýshylardy qarap tekserý kartalaryn resimdeý tártibi; qarap tekserý pýnktinde tárkilengen zattardy resimdeý, saqtaý, ıesine qaıtarý jáne joıý qaǵıdasy; avıasııalyq qaýipsizdik sharalaryn buzýǵa joǵary qaýip tóngen kezeńde qarap tekserýdi júrgizý tártibi; medısınalyq problemalary bar jolaýshylardy qarap tekserýdi júrgizý tártibi (kardıostımýlıatory bar jolaýshylar, qol-aıaqtary gıpstelgen múgedekter); 19) áýejaıdyń birinshi basshysy bekitken bagajdy, júkti, poshtany jáne borttaǵy qordy qarap tekserý tehnologııasy, ol mynalardy qamtıdy: áýe kemesiniń bortyna ornalastyrylatyn barlyq zattardy tolyq qarap tekserý talaby; rentgen jabdyǵynda nemese bagajdy, júkti, poshtany jeke qarap teksergende kúdikti zattar tabylǵan kezdegi is-qımyl tártibi; júk bóliginde tasymaldanatyn transferttik bagajǵa qatysty qaǵıda; jolaýshylarǵa bagajdyń tıistiligin belgileý tártibi; bagajdy, júkti jáne bort tamaǵyn (borttaǵy qordy) qarap tekserý kartalaryn resimdeý jáne olardyń qozǵalý tártibi; qarap tekserýden ótken júkterdi nómirli japsyrmalarmen tańbalaý tártibi; qarap tekserý rásiminen ótken bort tamaǵy men bajsyz saýdaǵa arnalǵan taýarlary bar konteınerleri jetkizý tártibi; qarap tekserý pýnktinde tárkilengen zattardy resimdeý, saqtaý, ıesine qaıtarý jáne joıý qaǵıdasy; 20) áýejaıdyń birinshi basshysy bekitken áýejaıdyń zararsyzdandyrylǵan aımaǵyndaǵy bajsyz saýda dúkenderine túsetin taýarlardy qarap tekserý jónindegi nusqaýlyq; 21) bagajdy, júkti, poshtany jáne borttaǵy qordy qarap tekserý baılanys quraldarymen, dabyl sıgnalymen, avarııalyq jaryqpen jáne elektrmen jabdyqtaýmen, stasıonarlyq tehnıkalyq qarap tekserý quraldarymen, rentgen-televızııa qondyrǵylarymen, sondaı-aq beınebaqylaý jáne aqparaty kúntizbelik 15 kún boıy saqtalatyn beınejazba júıesimen jabdyqtalǵan qarap tekserý pýnktterinde júrgiziledi. Qazaqstan Respýblıkasy Úkimetiniń  2011 jylǵy 18 shildedegi №829 qaýlysymen bekitilgen Qarap tekserý kezinde qoldanylatyn tehnıkalyq  quraldarǵa qoıylatyn talaptar 1. Jalpy erejeler 1. Osy qarap tekserý kezinde qoldanylatyn tehnıkalyq quraldarǵa qoıylatyn talaptar (budan ári – talaptar) «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń (budan ári – Zań) 107-babyna sáıkes ázirlendi jáne qarap tekserý kezinde qoldanylatyn tehnıkalyq quraldarǵa qoıylatyn talaptardy belgileıdi. Osy talaptar qarap tekserý kezinde áýejaı AQQ qoldanatyn tehnıkalyq quraldarǵa taralady. 2. Osy talaptarda paıdalanylatyn termınder men anyqtamalar: 1) qarap tekserý kezinde qoldanylatyn tehnıkalyq quraldar – jolaýshylardy, qol júgin, júkti, bagajdy, poshtany, borttaǵy qordy, áýe kemeleri ekıpajdarynyń múshelerin, avıasııalyq personaldy qarap tekserýdi júzege asyrý kezinde derbes nemese qandaı da bir júıeniń bóligi retinde paıdalanýǵa arnalǵan arnaıy qurylǵy; 2) rentgendik-televızııa qondyrǵysy – metall zattardy kózben sholyp sáıkestendirýge arnalǵan tehnıkalyq qurylǵy; 3) stasıonarlyq metall izdegish – adam denesindegi metall zattardy anyqtaýǵa arnalǵan tehnıkalyq qurylǵy; 4) portatıvti (yqsham, jyljymaly) metall izdegish – adam denesindegi metall zattyń naqty ornalasqan jerin anyqtaýǵa arnalǵan tehnıkalyq qurylǵy; 5) jarylǵysh zattardy tabýǵa arnalǵan jabdyq (jarylǵysh zattardyń bý detektorlary) – jarylǵysh zattardyń býyn nemese mıkrobólshekterin anyqtaýǵa arnalǵan tehnıkalyq qurylǵy. 2. Qarap tekserý kezinde qoldanylatyn tehnıkalyq  quraldarǵa qoıylatyn talaptar 3. Stasıonarlyq metall izdegishter: 1) adam denesindegi jáne onyń kıimindegi áýe kemesinde tasymaldaýǵa tyıym salynǵan metall zattardy tabýǵa múmkindik berýge tıis, bul rette jalpy salmaǵy 100 gramnan aspaıtyn ózi paıdalanatyn metall zattarǵa jalǵan iske qosylý múmkindigi bar; 2) tyıym salynǵan metall zat bolǵanda avtomatty jaryqpen jáne dybyspen sıgnal berýge, ornatylǵan tabý parametrleriniń sanksııalanbaǵan ózgerisin boldyrmaýǵa tıis, onyń elektrondyq buıym shemasy dabyl sıgnaly sóngennen keıin 3 sekýndtan soń avtomatty túrde bastapqy qalpyna kelýge tıis (dabyl belgisiniń aıaqtalýy qondyrǵynyń jumysqa ázir ekendigin bildirýge tıis), jumys rejımine shyǵý ýaqyty jelige qosylǵannan keıin 30 sekýndtan aspaýǵa tıis; 3) datchıkterdiń bloktary arasyndaǵy qashyqtyq 1 m bolǵanda jospardaǵy jumysta bir birinen 3-ten 8 m-ge deıin araqashyqtyqta bir jelide ornatylǵan sany 2-den 4 danaǵa deıin uqsas qurylǵylar tobynyń quramynda qazirgi zamanǵy áýejaılardyń elektromagnıtti jaǵdaılar sharttarynda rentgen-televızııa qondyrǵylarymen birge qalypty jumysty qamtamasyz etýi tıis; 4) táýlik boıy rejımde jumys istegen kezde barlyq talaptarǵa sáıkes bolýǵa tıis, isten shyǵýǵa deıin jumys isteý – keminde 6000 saǵat, reglamenttik jumystar ýaqyty – paıdalaný ýaqytynyń keminde 5%-y, kepildik berilgen paıdalaný merzimi – paıdalanýǵa berilgen sátten bastap keminde 1 jyl, ortasha qyzmet merzimi – keminde 6 jyl, kepildik berilgen saqtaý merzimi – buıym shyǵarylǵan sátten bastap keminde 1 jyl; 5) paıdalaný ornynda dıagnostıka men jóndeýdi júrgizýge múmkindik berýge, dıagnostıka ádisterimen birge Buıymdy paıdalaný jáne onyń tolyq tehnıkalyq sıpattamasy jónindegi nusqaýlyqtan turatyn onyń qalypty jáne qaýipsiz paıdalanylýyn, jaramdy jaı-kúıin jáne jóndelýin qoldaý úshin jetkilikti qujattamamen jabdyqtalýǵa tıis; 6) bıiktigi keminde 2 metr jáne eni 0,76 metr oıyǵy bar arqasy, sholý jáne retteletin dybys sıgnaly, sondaı-aq qubylmaly jaǵdaılarǵa baılanysty sezimgishtik deńgeıin ózgertý múmkindigi bolýǵa tıis. 4. Portatıvti (yqsham) jáne jyljymaly metall izdegishter: 1) qondyrǵyny aýystyrý jyldamdyǵy sekýndyna 0,2 – 0,5 metr bolǵan kezde 0,12 – 0,15 metr qashyqtyqtaǵy metall zattardy tabýdy qamtamasyz etýge (mólsheri 100h100h1 mılımetr bolat plastınka), metall zat bolǵanda dybystyq sıgnal berýge, qazirgi zamanǵy áýejaılardyń elektromagnıtti jaǵdaılary shartynda qalypty jumysty qamtamasyz etýge; 2) paıdalanýǵa berilgen sátten bastap keminde 1 jyl kepildik berilgen paıdalaný merzimi, ortasha qyzmet merzimi – keminde 3 jyl, kepildik berilgen saqtaý merzimi – buıym shyǵarylǵan sátten bastap keminde 1 jyl bolýǵa; 3) paıdalaný ornynda dıagnostıka jáne jóndeý júrgizýge múmkindik berýge; 4) avtonomdy qorek kózinen jumys isteý kezinde buıym qorektený kózderiniń 60 % razrıadtalǵan kezde (kerneýi boıynsha) tabý sıpattamalaryn saqtaýǵa, keminde 10 saǵat avtonomdy qorek kózinen buıymnyń úzdiksiz jumys isteý uzaqtyǵyn qamtamasyz etýge tıis. 5. Rentgen-televızııa qondyrǵysy: 1) metall jáne metall emes atys qarýyn, onyń bólshekterin, barlyq kalıbrdegi oq-dárini, granatalardy jáne basqa da jarqynshaqty/jarylǵysh áseri bar qarý túrlerin, pyshaqtardy, keldekti, qylyshtardy, áskerı jáne kommersııalyq maqsattaǵy jarylǵysh zattardy, detonatorlardy jáne saǵatpen júretin mehanızmderdi, elektr jáne elektrondy buıymdardy, elektr energııasy kózderin anyqtaýǵa; 2) paıdalaný rejıminde rentgendik sáýlelený generatorynyń sıpattamalary men kórinis sapasy mynadaı: ený qabileti – bolat boıynsha 27 mıllımetr; ruqsat beriletin qabileti – 0,1 mıllımetr; anodty kerneý: nomınaldy – 160 kılovatt, jumys isteý – 140 kılovatt; tútikshe togy - 0,7 mıllıamper bolýǵa; májbúrli jeldetkishi bar germetıkaly maı vannasynda tútikshe sýýǵa; 3) «Joǵary ený qabileti» opsııasyn paıdalaný kezinde eń joǵary rejımde rentgendik sáýlelený generatorynyń sıpattamalary men kórinis sapasy mynadaı: ený qabileti: 35 mıllımetr; ruqsat beriletin qabileti: 0,1 mıllımetr; anodty kerneý: 160 kılovatt - ataýly, jumys - 140 kılovatt; tútikshe togy - 0,7 mılıamper bolýǵa; sáýlelenýdiń azaıýynyń úlgilik deńgeıi saǵatyna 0,1 mıkrorentgennen aspaıdy; 4) rentgen-televızııa qondyrǵysy konveıeriniń jyldamdyǵy keminde sekýndyna 0,15 metr bolýǵa; 5) paıdalanýǵa berilgen sátinen bastap keminde 1 jyl kepildik berilgen paıdalaný merziminiń, ortasha qyzmet merzimi – keminde 6 jyl, kepildik berilgen saqtaý merzimi – buıym shyǵarylǵan sátten bastap keminde 1 jyl bolýǵa; 6) paıdalaný ornynda dıagnostıka jáne jóndeý júrgizýge múmkindik berýge; 7) rentgendik sáýlelenýdi qosýda jaryqen sıgnal berýge, qorǵaý ekrandarynyń tutastyǵy buzylǵan kezde rentgendik sáýlelenýdi ajyratýdy jáne paıdalaný júktemesi asyp ketken jáne jaramsyz jaǵdaıda elektr togyn berýdi toqtatýdy qamtamasyz etetin bloktaǵyshy bolýǵa; 8) kınofotomaterıaldardy, elektrondyq tasyǵyshtardy rentgen-televızııa qondyrǵysynyń jumys aımaǵy arqyly on eselengen ótkizý kezinde rentgen-televızııa qondyrǵysyndaǵy sáýlelenýdiń olardyń tutastyǵyn buzýǵa múmkindik bermeıtin deńgeıi bolýǵa; 9) rentgen jabdyǵynyń syrtqy panelderinen 5 santımetr araqashyqtyqta rentgendik sáýlelený dozasynyń qýat deńgeıi sekýndyna 0,03 rentgennen aspaýǵa, jumys istep turǵan rentgen jabdyǵynyń shýyldaý deńgeıi 60 desıbelden aspaýǵa; 10) rentgen jabdyǵynyń konstrýksııasy rentgendik sáýlelenýdiń áserinen qorǵaýdy qamtamasyz etýge tıis. 6. Jarylǵysh zattardy tabýǵa arnalǵan jabdyq (jarylǵysh zattardyń bý detektorlary): 1) buıymmen jumys isteýge arnalǵan jarylǵysh zattardy tabý boıynsha sezimtaldyǵy bir tekshe santımetrge 1x10-14 grammnan kem bolmaýǵa tıis, biraq bul rette jarylǵysh zattardyń jubyn taldaý sıkliniń ýaqyty – 60 sekýndtan aspaıdy, jarylǵysh zattar jubynyń bolýyna buıymnyń jumys isteý ýaqyty – 5 sekýndtan aspaıdy, irikteýdiń kelesi sıkline daıyndyq ýaqyty – 30 sekýndtan aspaıdy, jumys rejımine shyǵý ýaqyty qosylǵannan keıin 35 mınýttan aspaýǵa; 2) jelilik qorektený blogynan da, kerneýi 9–12 volt avtonomdy qorekten (batareıa, akkýmýlıator) de jumys isteýge tıis; 3) operatorǵa táýelsiz jumys isteıtin sıgnal berý júıesi bolýǵa, bul rette dabyldyń dybystyq sıgnalynyń deńgeıi qazirgi zamanǵy áýejaılardyń shýylynyń aıasynda jaqsy ajyratylýǵa, qorektený kózderi 70 % razrıadtalǵan kezde (kerneý boıynsha) jumys isteıtin avtonomdy qorek kózi razrıadynyń ındıkatory bolýǵa; 4) kepildik berilgen paıdalaný merzimi paıdalanýǵa engizilgen sátten bastap keminde 1 jyl, ortasha qyzmet merzimi – keminde 6 jyl, kepildik berilgen saqtaý merzimi – buıym shyǵarylǵan sátten bastap keminde 1 jyl bolýǵa; 5) paıdalaný ornynda dıagnostıka jáne jóndeý júrgizýge múmkindik berýge; 6) paıdalaný júktemesi asyp ketken jáne jaramsyz bolǵan jaǵdaıda elektr togyn berýdi toqtatatyn aldyn ala qorǵaý júıesiniń, ony paıdalaný prosesinde jumysqa qabilettiligin baqylaý quraly bolýǵa; 7) táýlik boıy rejımde jumys istegen kezde barlyq talaptarǵa sáıkes bolýy tıis, isten shyǵýǵa deıin jumys isteý – keminde 6000 saǵat, reglamentti jumystar ýaqyty paıdalaný ýaqytynyń keminde 5%, kepildik berilgen paıdalaný merzimi paıdalanýǵa berilgen sátten bastap keminde 1 jyl, ortasha qyzmet merzimi – keminde 6 jyl, kepildik berilgen saqtaý merzimi – buıym shyǵarylǵan sátten bastap keminde 1 jyl bolýǵa tıis. 7. Qarap tekserý kezinde qoldanylatyn barlyq tehnıkalyq quraldar mynadaı qaýipsizdik talaptaryna saı bolýǵa: 1) elektr togymen zaqymdanýdy boldyrmaıtyn qorǵanysh tuıyqtalý kontýryn qamtýǵa; 2) elektr qaýipsizdigin qamtamasyz etýge; 3) buıymdarda qoldanylatyn materıaldar adam densaýlyǵy úshin qaýipsiz bolýǵa tıis.