Mınıstrdiń aıtýynsha, saladaǵy kásiporyndar kezeń-kezeńimen jańǵyrtylyp jatyr. Qazirgi tańda Aqtóbe qalasynda jylyna 2 myń tonnadan astam jún óńdeıtin joba iske qosyldy. Al Aqmola oblysynda qýaty shamamen 2,5 myń tonnany quraıtyn mal azyǵyna arnalǵan qospalar óndiretin kásiporyn jumysyn bastady.
Sonymen qatar jún men terini óńdeýge baǵyttalǵan taǵy segiz ınvestısııalyq joba júzege asyrylyp jatyr. Olardyń jalpy quny 10 mlrd teńgege jýyq. Bul jobalar iske qosylǵan jaǵdaıda óńdeý qýaty qosymsha bir mıllıon tonnadan asady dep kútilip otyr.
Mamandardyń aıtýynsha, bul bastamalar aýyl sharýashylyǵy ónimderin tereń óńdeýdi damytýǵa, qosymsha jumys oryndaryn ashýǵa jáne mal sharýashylyǵy ónimderiniń qosylǵan qunyn arttyrýǵa múmkindik beredi.
