Atalǵan emdeý ornynyń dárigeri Nurfııa Qızatovanyń aıtýyna qaraǵanda, ınfeksııanyń taralýyna birneshe faktor áser etedi. Sonyń biri – ımmýnıtettiń tómendeýi, al ekinshisi – arnaıy vaksınany mezgilinde almaý.
«Vaksına ýaqytyly egilse, qyzylshany osynsha adam juqtyrmas edi. Qazir oblystyq ınfeksııalyq aýrýhanada 290 naýqas em qabyldap jatyr. Onyń ishinde 137 emdelýshiniń qyzylsha aýrýyn juqtyrǵany zerthanalyq taldaý kezinde rastaldy. Qyzylsha juqtyrǵan naýqastardyń 86 paıyzy josparlanǵan vaksınany mezgilinde saldyrmaǵan balalar bolyp otyr», deıdi Nurfııa Qızatova.
Dárigerdiń pikirinshe, qyzylshadan qorǵanýdyń eń tıimdi tásili – vaksına saldyrý.
Almatyda qyzylsha aýrýyna shaldyǵý kórsetkishi ósti
«Biz ata-analarǵa balalaryna ýaqytynda ekpe saldyrýdy eskertemiz. Ata-analar vaksına saldyrý arqyly balasyn ǵana emes, otbasyndaǵy, aınalasynda adamdardy da qorǵaıtynyn túsinýi kerek. Qyzylshaǵa qarsy salynatyn vaksına birden 3 aýrýdan qorǵaıdy. Bul – qyzylsha, epıdemııalyq parotıt jáne qyzamyq aýrýy. Keıbir ata-analar ekpe saldarynan serebraldy sal aýrýy nemese epılepsııa paıda bolýy múmkin dep qaýiptenedi. Biraq vaksınanyń mundaı aýrýlarǵa esh qatysy joq», deıdi Nurfııa Qızatova.
Oblystyq densaýlyq saqtaý basqarmasynyń málimetinshe, qazir epıdemıologııalyq ahýal baqylaýǵa alynǵan. Osy kezge deıin 671 balaǵa vaksına egilgen.
Endi qyzylshaǵa qarsy vaksına mindetti: Astana aýrýhanalaryna bala qabyldaý erejesi ózgerdi
