Elordada eńbek jáne otbasy áýletteri arasyndaǵy «Ulaǵatty áýlet» qalalyq baıqaýynyń jeńimpazdary marapattaldy. Baıqaýdy elordalyq Ishki saıasat basqarmasynyń qoldaýymen «Qazaqstan áıelderi qaýymdastyǵy» QB uıymdastyrdy, dep habarlaıdy Astana qalasy ákimdiginiń baspasóz qyzmeti.
Maqsaty urpaqtar sabaqtastyǵyn saqtaý, eńbekke qurmetpen qaraý, eńbek dástúrlerin saqtaý jáne kóbeıtý bolyp tabylatyn baıqaýǵa 34 otbasy qatysty. Olardyń arasynda ártister, ǵalymdar, pedagogtar, jýrnalıster, zańgerler jáne medıatorlardyń áýletteri bar. Eńbek ótili, áýlet ókilderiniń sany, eńbektegi jetistikteri jáne kásiporynnyń damýyna qosqan úlesteri - jarysqa qatysýshylar osy krıterııler boıynsha baǵalandy
«Árbir otbasy dástúrlerimen myqty. Bul baıqaý arqyly biz jastar tárbıesindegi otbasynyń, aǵa urpaqtyń bedelin kóteremiz. Búgin biz bir saladaǵy eńbek ótili 200 jyldan asatyn áýletterdi marapattap jatyrmyz», - dep málim etti «Qazaqstan áıelderi qaýymdastyǵynyń» prezıdenti Gúlnar Baıymbetova.
Baıqaýdyń qorytyndysy boıynsha, birinshi oryndy pedagogtar otbasy Arǵynbaevtar ıelendi, olardyń bilim salasyndaǵy eńbek ótili 220 jyldy quraıdy. Gran-prı Syzdyqovtar otbasyna berildi. Bul energetıkter otbasynyń barlyq músheleri 200-den asa jas mamandy oqytyp, tájirıbe bólisken. Otbasy ókilderiniń bir kásiporyndaǵy jalpy eńbek ótili 274 jyldy quraıdy.
