QAZAQSTAN TARATPAÝ ÚDERISIN TOLYQ JAQTAIDY

15 qańtarda Venada Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Halyqaralyq atom energııasy jónindegi agenttiktiń (MAGATE-niń) bas hatshysy Iýkııa Amanomen kezdesti. Q.Saýdabaev atom energııa­syn adamzat ıgiligi úshin beıbit maqsatta paıdalanýdy keńeı­týge, ıadrolyq qarýdy taratpaý re­jimin nyǵaıtýǵa jáne halyq­aralyq qaýipsizdik deńgeıin arttyrýǵa baǵyttalǵan MAGATE qyzmetine joǵary baǵa berdi. Memlekettik hatshy – Syrt­qy ister mınıstri mólsheri jó­ni­nen álemdegi tórtinshi ıadrolyq arsenaldan bas tartyp, birjaq­ty rette óz aýmaǵyndaǵy álem­degi asa iri KSRO-nyń ıadrolyq polıgonyn japqan Qazaqstan taratpaý rejimin nyǵaıtýǵa jáne qarýsyzdaný úderisine tarıhı úles qosyp, elimizdiń óz moınyna alǵan halyqaralyq min­dettemelerin berik jaqtaı­tyn­­dyǵyn qýattap berdi. Qazaqstan dıplomaty bas dı­rektory Iý.Amanony 29 tamyzdy Iаdrolyq synaqtarǵa qarsy áre­ket­tiń halyqaralyq kúni dep jarııalaý týraly qazaq­stan­dyq sońǵy bas­ta­ma­men jáne 2009 jylǵy jeltoq­san­da BUU Bas Assambleıasy qa­byl­daǵan osy at­tas qararmen, Or­talyq Azııada ıadrolyq qarýdan ada aımaq qurý týraly sharttyń kúshine enýimen, bizdiń elimizde Iаdrolyq qarýdy taratpaý týraly shartty iske asyrý jóninde Shartqa shy­naıy tıimdilik berýge baǵyttalǵan 2010 jylǵy sholý konferensııasyn ázirleý jóninde atqarylyp jat­qan jumystarmen tanystyryp ótti. Bul bastamalar Qazaq­stan­nyń ıadro­lyq qarýdy taratpaý rejimin nyǵaıtýǵa qosqan naqty úlesi bolyp tabylady. Memhatshy Qazaqstannyń beı­bit atomda halyqaralyq qoǵamdas­tyq­tyń jáne bárinen buryn MAGATE-niń ta­ra­pynan qatań baqylaý jaǵdaıyn­da damytýdy jaqtaıtynyn atap ótti. Osyǵan oraı biz Agent­tikpen barlyq ba­ǵyttar boıynsha, sonyń ishinde, teh­nıkalyq yntymaq­tastyq baǵ­dar­lamasy aıasynda yq­paldastyq­ty bel­sendi etý nıetin­demiz. Mu­nyń ózi atom energııasyn beıbit paıdalaný salasyndaǵy barynsha ózekti min­detterdi sheshýge súbeli úles qosady. Búginde Qazaqstan ýran ónimin óndirý jóninen kóshbasshy bolyp keledi. Kepildikterdi qoldaný tý­raly kelisimge sáıkes Qazaqstan­nyń bar­lyq ıadrolyq nysandary MAGATE-niń baqylaýynda jáne barlyq ıadrolyq qyzmet Agenttik­tiń ereje­lerine sáıkes jáne standarttary boıynsha júzege asyrylady. Q.Saýdabaev ıadrolyq taratpaý salasynda dáıekti saıasat júrgize otyryp, Qazaqstan MAGATE-niń qaraýyna MAGATE quzyrymen óz aýmaǵynda Iаdrolyq otynnyń halyqaralyq bankin ornalastyrý týraly málimdeýdi resmı engizgen bolatyn. Bul qadam atom ener­ge­tı­kasyn beıbit damytý jóninde Agenttikpen yntymaqtastyqqa qo­sylǵan taǵy bir úleske aınalady. MAGATE-niń bas dırektory Iý.Amano ıadrolyq taratpaýdyń jáne qarýsyzdanýdyń jahandyq úderisine Qazaqstan qosqan úlesti joǵary ba­ǵalady. Ol Qazaqstan­nyń Agent­tik­ke barynsha belsendi múshe mem­leket bolyp tabyla­ty­nyn jáne qa­zir­gi kezde birqatar mańyzdy joba­lar­dy iske asyryp jatqanyn atap ótti. Iý.Amano málim etkenindeı, “Qa­zaqstan MAGATE-niń erekshe mańyzdy áriptesi bolyp taby­la­dy”. “Iаdrolyq qarýdan bas tartý jáne Iаdrolyq qarýdy taratpaý týraly shartqa ıadrolyq emes mem­leket retinde qosylý taratpaý reji­min nyǵaıtýǵa oń yqpal etken mańyzdy tarıhı oqıǵa bolyp tabylady. Biz Qazaqstannyń MAGATE-men yntymaqtastyq deńgeıine qanaǵattanamyz jáne yntymaqtastyqty odan ári keńeıtýge ázirmiz”, – dedi ol. MAGATE-niń bas dırektory biz­diń elimizdiń óz aýmaǵynda Iаdrolyq otynnyń halyqaralyq bankin ornalastyrý týraly sheshim qabyldaǵanyna, munyń ózi Qazaq­stannyń taratpaý isin jaqtaı­tyn­dyǵynyń kezekti qýattaýy bolyp ta­bylatynyna rızashylyq bildirdi. Iý.Amano sondaı-aq birqatar halyqaralyq BAQ-tarda taratyl­ǵan Qazaqstannyń Iranmen osy elge ýran ónimin berý jóninde má­milesi oryn aldy-mys deıtin aq­pa­ratqa baılanysty Qazaqstan­nyń ustanymy týraly jedel málimdeý jasaǵanyna alǵys aıtty. Memlekettik hatshy – Syrtqy ister mınıstri Q.Saýdabaev Iý.Ama­nony Qazaqstanǵa resmı saparmen kelýge shaqyrdy. Shaqy­rý qanaǵat sezimimen qabyl aly­nyp, sapar merzimi dıploma­tııa­lyq arnalar boıynsha kelisiletin boldy.