Vedomstvo taratqan aqparatta «jer silkinisiniń oshaǵy Qazaqstan aýmaǵynda, Almaty qalasynan soltústik-shyǵysqa qaraı 284 shaqyrym jerde ornalasqan» dep kórsetilgen.
Dúmpý Jetisý oblysynyń birqatar eldi mekenderinde sezilgen. Panfılov aýdanynyń Jarkent qalasynda, Tekeli qalasynda, Aqsý aýdany Jansúgirov aýylynda jáne Sarqan aýdanynyń Sarqan qalasynda dúmpý 3 ball deńgeıinde tirkelgen. Eskeldi aýdany Qarabulaq kentinde, Taldyqorǵan qalasynda, Kóksý aýdanynyń Balpyq bı aýylynda, Uıǵyr aýdanynyń Shonjy aýylynda, Kerbulaq aýdany Saryózek aýylynda jáne Qaratal aýdanynyń Úshtóbe qalasynda jer silkinisiniń kúshi 2 ball shamasynda bolǵan. Sondaı-aq Almaty oblysynyń Uıǵyr aýdany Qyrǵyzsaı aýylynda, Eńbekshiqazaq aýdanynyń Kókpek jáne Shelek aýyldarynda da álsiz dúmpý tirkeldi.
TJM deregine sáıkes, zardap shekkender men qıraýlar týraly málimet túspegen.
Sonymen qatar áleýmettik jelilerde almatylyqtar da jerdiń sál teńselgenin aıtyp, «jeńil diril sezildi, azdap shaıqalyp ketkendeı boldy» degen sıpattaǵy jazbalar qaldyrdy. Mundaı habarlamalar Threads sekildi túrli platformalarda jarııalanǵan. Alaıda qalalyq tótenshe jaǵdaılar departamenti Almaty aýmaǵynda jer silkinisi tirkelmegenin jáne qalada jer asty dúmpýleri bolmaǵanyn málimdedi.
