Foto: gov.kz
Kelissózder barysynda taraptar saýda-ekonomıkalyq jáne ınvestısııalyq yntymaqtastyqtyń ózekti máselelerin egjeı-tegjeı talqylady. Ásirese ónerkásip sektoryndaǵy, onyń ishinde taý-ken metallýrgııa kesheni, asa mańyzdy mıneraldardy ıgerý jáne ınfraqurylymdy damytý baǵyttaryndaǵy ózara is-qımyldy keńeıtý perspektıvalaryna erekshe nazar aýdaryldy.
E.Kósherbaev Qazaqstannyń Saýd Arabııasymen strategııalyq seriktestikti damytýǵa basymdyq beretinin atap ótip, osy jyly qol qoıylǵan Qazaqstan-Saýd Arabııasy Úılestirý keńesin qurý, ınvestısııalardy ózara kótermeleý jáne qorǵaý týraly kelisimderdiń mańyzyn atap ótti.
Taraptar taý-ken ónerkásibi men asa mańyzdy mıneraldar salasyndaǵy birlesken jobalardy iske asyrý, sondaı-aq saýdııalyq kompanııalardyń Qazaqstandaǵy ınvestısııalyq bastamalarǵa qatysý múmkindikterin talqylady.
Sondaı-aq kezdesý barysynda sý qaýipsizdigi máseleleri de qozǵalyp, halyqaralyq sý yntymaqtastyǵyn damytý keleshegi qarastyryldy.
О́z kezeginde B.Ál-Horaıef ekijaqty kún tártibiniń barlyq baǵyty boıynsha praktıkalyq ózara is-qımyldy odan ári damytýǵa múddeliligin bildirdi.
Kelissózder qorytyndysy boıynsha taraptar Qazaqstan men Saýd Arabııasy arasyndaǵy ózara tıimdi seriktestikti odan ári nyǵaıtýǵa daıyn ekenin rastady.
