Kórshilerimizge baýyr basyp ketkenimiz sonsha, olar bizdiń ultymyzdyń ıran ekenin umytyp ketetin. Keıbir etnostardyń til úırený qıyn degenine senbeımin. Biz qazaq halqynyń ortasynda ana tilin tez úırendik. Ákem únemi tatýlyq, kórshi paryzy, eldiń qadiri jóninde aıtyp otyratyn. Qazaqtyń qasıetin boılaryńa sińirip, baýyrmaldyǵy men darhan minezinen úlgi alyńdar deıtin. Qazir ákemniń áli kúnge ósıetin oryndap, berik ustanyp kelemin. Men yntymaǵy men birligi jarasqan, Qazaqstanda onyń ishinde salt-dástúri saqtalǵan Ońtústikte turyp jatqanymdy maqtan etemin.
Qıly-qıly zamandarda túrli taǵdyrmen qazaq eline qonys aýdarǵan ırandyqtardy qazaq halqy jatsynǵan joq. Qushaq jaıa qarsy aldy. Qysyltaıań shaqta shynaıy janashyrlyq tanytty. Qazaqstanǵa Iran ulty ókilderi úsh tolqynmen kelgen. Alǵashqy tolqyny tóӊkeris kezeӊinde, ekinshi tolqyny 30-shy jyldardaǵy ashtyq dáýirinde mal aıdap kelip, saýdalap júrip turaqtap qalady. Al úshinshi tolqyny Uly Otan soǵysynan keıin kelgender eken.
Búginde Ońtústikte 5 myńǵa jýyq ıran halqynyń ókili bar. Olardyń kóbisi Báıdibek, Saryaǵash, Tólebı, Qazyǵurt aýdandarynda shoǵyrlanǵan.
Qazaqstanǵa saıası qýǵyn-súrginmen kelgen ult dıasporalary birigip «Qazaq eline myń alǵys!» monýmentin turǵyzdy. Biri qýǵynǵa ushyrap, biri jer aýdarylyp kelgen etnostar tórinen oryn bergen qazaq halqyna aıtar alǵysy sheksiz.
Nursbek KAPAR-PÝR,
Iran etnomádenı birlestiginiń tóraǵasy
Ońtústik Qazaqstan oblysy
