Joba boıynsha súrilýge negizinen tozyǵy jetken, ótken ǵasyrdyń 40-70 jyldary salynǵan úıler jiberiledi. Basqarma ókiliniń sózinshe, bul úılerde turý turǵyndardyń ómiri men densaýlyǵyna qaýipti.
Qanatqaqty jobanyń shartyna sáıkes, apatty baspananyń ornyna páter ıesine qalanyń basqa aýmaǵynan dál sol aýdanǵa sáıkes baspana beriledi.
Turǵyn úı basqarmasynyń ókili bul jaǵdaıda jańa baspana berilgende turǵyn úıdiń bólmesi men otbasy músheleriniń sany esepke alynbaıdy. Tek turǵyn úıdiń jalpy aýdany ǵana eskeriledi.
2013 jyldan beri elordada 117 apatty jaǵdaıdaǵy úı ysyrylyp, 1500 otbasy jańa orynǵa qonystandy.
«Búgingi tańda elordanyń keıbir turǵyndarynda tótenshe jaǵdaıda turǵan apatty úılerdi súrý jumysy aldaǵy EKSPO kórmesimen baılanysty degen jańsaq pikir bar. Negizinde ol jobaǵa sáıkes aǵymdaǵy jumys. 2017 jyldyń sońyna deıin Astanada 1700 otbasylyq 111 apatty úıdi surý kózdelip otyr», — dedi Astana qalasy Turǵyn úı basqarmasy basshysynyń orynasary Ashat Eleýjanov.
