«Saıası qaıratkerlermen birge olardyń áıelderi men balalaryn da repressııalady. ALJIR-de qoldarynda kishkentaı sábıleri bar áıelder otyrdy. Keıbir balalar osynda dúnıe esigin ashty. Osyndaı qatygezdik boldy. Atalmysh mýzeı az da bolsa, sonyń bir bólshegin kórsetedi», dedi Nazarbaev.
Elbasy sol zamandy eske alý qıyn ekendigin atap ótti.
«Biz múldem ózge memleket qurdyq. Árbir adamnyń quqyqtary men bostandyqtary saqtalatyn quqyqtyq memleket jasadyq. Sondyqtan Qazaqstanda birde-bir saıası tutqyn joq. Osyny baǵalaýymyz kerek», - deıdi Prezıdent.
Memleket basshysy saıası qýǵyn-súrgin tóńkeristen keıin bolǵanyn da tilge tıek etti.
«Birde-bir revolıýsııa adamǵa, memleketke jaqsylyq ákelmegen. Sońǵy jyldary oryn alǵan revolıýsııalar memleketti shaıqaltyp, xalyqtary 10-15 jylǵa bereke tappaı tentiredi, terrorızm, kisi óltirý, bandıtızm órshidi. Sondyqtan bizge evolıýsııalyq damý qajet. Sol kezde ǵana alǵa jyljımyz. Tarıxtyń sabaǵyn umytpaýymyz kerek», dedi Elbasy.
