Joba úılestirýshisi Maıra Áljanova óz sózinde, - Qorymyzdyń 13 jyldyq tarıhynda «Pıng-pong hanshaıymy» týrnıriniń qadam basýy barshamyzǵa kópten kútken bastama boldy. Ásirese, sportqa onyń ishinde ústel tennısinen balalar úıleriniń jas qyzdary úshin arman ǵana emes, óz baqtaryn synaýǵa múmkindik berer úlken joba. Jeńimpazdarymyzdy Qytaı eline jiberýdiń de birden bir maqsaty – olardy sport kókjıegine jetelep yndalandyrý, – dedi ol.
«Pıng-pong hanshaıymy» týrnıriniń alǵashqy irikteý oıyndary Qazaqstannyń barlyq aımaqtarynda shilde aıynyń 3-28 kúnderi ótedi. Al fınal oıyndary tamyz aıynyń 22-24 aralyǵynda Almaty qalasynda bastalmaq. Pıng-pong hanshaıymdaryna Qytaı eline baryp tanymal sport sańlaqtarynan sheberlik synybynan ótý múmkindigi beriledi.
QHR saıası bóliminiń basqarýshysy Chjan Sıaosın:
"Bul týrnır ár balanyń jeke tulǵa retinde qalyptasýyna yqpal eteri sózsiz. Sebebi, balalardyń jeńiske degen zor talpynysy, senimi bar".
«Pıng-pong hanshaıymy» dep atalatyn bul áleýmettik joba Qazaqstanda alǵash ret balalar úıiniń tárbıelenýshi qyzdary arasynda Qytaı eline barýǵa múmkindik beretin ústel tennısinen týrnıri. Týrnır qortyndysy boıynsha jeńimpazdar Pekın qalasyndaǵy sport akademııasynyń jattyqtyrýshylarynan ústel tennısinen arnaıy sheberlik synybynan ótýge múmkindikke ıe bolady. Týrnır qyzdar arasynda 2-jas erekshelikteri boıynsha ótedi: 7– 10 jas pen 11 – 15jas aralyǵy. Jarys 11 upaıǵa deıin sanalatyn 3- partııadan ótedi.
