«Nıet LTD», «Vremıa» kompanııalaryn tekserý kezinde Jylyoı aýdany Teńiz qalashyǵynan ózderine tıesili jer telimderinen artyq kólemde memleket jerin paıdalanyp otyrǵandary belgili boldy. Jer Kodeksinde kózdelgen jaılardy buzý deregi boıynsha ákimshilik is qozǵalyp, aıyppul salyndy», deıdi oblystyq jerdiń paıdalanylýy men qorǵalýyn baqylaý basqarmasynyń basshysy Ǵıbrat Súleımenov.
Basqarma oblys kóleminde ıgerilmeı jatqan jer ýchaskelerin baqylaý, qoldanystaǵy zańdylyqty buza otyryp paıdalanylyp jatqan jerdi anyqtaý, jergilikti atqarýshy organdar tarapynan jeke jáne zańdy tulǵalardyń jer telimin tabystaý týraly ótinishterin qaraý merzimderiniń saqtalýyn qadaǵalaý sekildi jumystardy atqarady. О́tken jyly quzyrly organǵa 137 ótinish kelip túsken. Al bıylǵy tórt aıda 350 jospardan tys tekserý júrgizilip, 304 zań buzýshylyq anyqtaldy.
Bir atap óterligi, jer paıdalanýshylarmen memlekettik jer ýchaskelerin ishinara zańsyz ıelenip alý nemese ýaqytsha ıelengen memlekettik jerdi ýaqtyly qaıtarmaý syndy zań buzý faktileri jıi kezdesedi. Mysaly, Atyraý oblysy kólik prokýratýrasynyń zań buzýshylyqty joıý týraly usynysymen «KazTransOıl» AQ-na «Qıǵash» jelilik óndiristik stansasynda jáne Qulsary munaıótkizý basqarmasynda kólemi 59,72921 ga jer ýchaskesin zańsyz paıdalanýlaryna sáıkes ákimshilik is qozǵalyp, 4 764 900 teńge aıyppul salyndy, jer zańdylyǵynyń buzylýyn joıý týraly nusqama tabystalǵan. Osylaısha kompanııa on jyldan beri memleket jerin óndiristik maqsatta paıdalanyp kelgen. Sondaı-aq, «Rıtm Oıl» JShS, «Konstrakshn KZ» JShS, «Eko Tehnıks» JShS, «AvtomırAtyraý» JShS, «Kontakt Oıl» JShS, «Merkýr Avto» JShS, «Vest Motors» JShS, «Abylaı-han» JShS, «TengızInterMunaıgazQurylys» JShS, «Qyzyl Balyq» JShS-teri ýaqytsha óteýli jer paıdalaný quqyqtaryn ýaqytyly uzartpaı, memleket jerin zańsyz paıdalanýlaryna sáıkes 2 949 700 teńge kóleminde aıyppul salyndy.
Turǵyn úı qurylysy úshin ýaqytsha beriletin jerlerdiń maqsatty paıdalanylmaýy da problemanyń biri. О́tken jyly basqarma aýdan prokýratýralary usynysymen 54 jer teliminiń ıelerine jazbasha eskertý joldady. Alaıda Jer kodeksindegi talaptar boıynsha naqty shara alý múmkin bolmaı otyr.
Baqytgúl BABASh,
«Egemen Qazaqstan»
