Osy oraıda jarty mıllıonnan astam turǵyny bar Aqtóbe qalasyndaǵy bul baǵa 55 tenge dep belgilengen. Áıtse de qaladaǵy «Avtopark» jáne «Aqtóbe qalalyq jolaýshylar tasymaly kásiporny» JShS tarıfti 90 tengege deıin kóterýdi usynyp otyr. Olar jolaqy qunyn kóterý qajettigin avtoparkti jóndeý men jańǵyrtýǵa qajetti qarajattyń tapshlyǵymen baılanystyrady. Soǵan baılanysty qalalyq kólik tarıfin 90 teńgege deıin kóterýdi usyndy. Bul jaıt júrginshiler men qala turǵyndary arasynda ár túrli oı-pikirler týǵyzda. Ashyǵyn aıtqanda el-jurttyń kópshiligi tarıftiń ósýine narazylyq bildirdi.
Árisin aıt ta, berisin aıt degendeı atalǵan máseledegi alyp qashpa sózderdiń aıaǵy oblys ákimdiginde arnaıy jıynnyń ótkizilýine ákelip tiredi. Endigi kezekte basqosýda túıindelgen tujyrymdarǵa toqtalsaq, tasymaldaýshylardyń ýájderi men usynystary birjaqty málimdelgenin kóremiz. Osy jıynda aıtylǵandaı jolaqy baǵasyn kóterýdi alǵa tartqan tasymaldaýshy qurylymdar jergilikti memlekettik mekemeler men qoǵam aldyndaǵy kelisimsharttyq talaptardy tolyqtaı oryndamaǵan. Sondaı-aq, ózderiniń tikeleı fýnksıonaldyq mindetterin atqarýǵa da salǵyrt-salaq qaraǵan. Atap aıqanda, qoǵamdyq kólikterdiń júrý ýaqytynyń ara qashyqtyǵy saqtala bermeıdi. Qozǵalys kesteleri aıaldamalardyń birinde bolsa, ekinshisinde joq bolyp shyǵady. Sondaı-aq qalalyq avtobýstar salonyndaǵy sanıtarlyq-tehnıkalyq jaǵdaılar da kóńil kónshitpeıdi.
Buǵan deıingi júrgizilgen taldaýdar men zertteýler qorytyndysy tasymaldaýshylar kiris pen paıda túsiretin qyzmetterdi oıdaǵydaı atqarmaǵanyn kórsetedi. Ári tıimdilik ákele alatyn tetikter men shyǵyndar azaıtylmaǵan. Túsken paıdany baqylaý men qadaǵalaý isi qojyrap ketken. Sondyqtan da qazir Aqtóbe qalasynda jolaýshylar kóliginiń jaı-kúıin jaqsartý jóninde birqatar tyń is sharalar shoǵyry belgilenip otyr. Bul baǵytta órkenıetti deńgeıdegi jolaýshylar kóligin baqylaý júıesin engizýge basymdyq berilgen. Kiristi kóbirek túsiretin baǵyttardy irikteý joldary qarastyrylǵan. Túıip aıtqanda búgingi kúni aqtóbelik tasymaldaýshylardyń kelisimsharttyq mindetterdi oryndaýǵa basa nazar aýdara bastaǵanyn aıtý lázim.
Al tarıfter máselesine kelsek, qalalyq jolaqy quny baǵasy ózgermeı, sol kúıinde qalatyn boldy. Onyń mólsheri burynǵysha 55 tenge kóleminde bolmaq.
Temir Qusaıyn,
«Egemen Qazaqstan»
