Kezdesýde Qazaqstan Prezıdenti Túrkııanyń bizge jaqyn ári aǵaıyn elderdiń biri ekenin atap ótti.
– Qazaqstan táýelsizdik alǵannan bergi 25 jyl ishinde bizdiń ózara qarym-qatynasymyz barlyq baǵyt boıynsha ilgerilep, damyp keledi, – dedi Memleket basshysy.
T.Túrkesh ózin qabyldaǵany úshin Nursultan Nazarbaevqa alǵys aıtyp, Túrik Respýblıkasynyń Prezıdenti Rejep Taııp Erdoǵannyń sálemin jetkizdi.
– Túrik Respýblıkasy men Qazaqstan arasyndaǵy qatynastardyń tamyry tereńde. Qazaqstannyń halyqaralyq uıymdar qyzmetine, ásirese, BUU Qaýipsizdik Keńesiniń turaqty emes múshesi retinde belsene qatysýy Túrkııa úshin mańyzdy, – dedi Túrkııa Premer-Mınıstriniń orynbasary.
