Eki qabatty 1700 sharshy metrlik aýmaqty alyp jatqan pavılonnyń birinshi qabatynda qytaılyq úzdik tiskebasar brendtiń dámin tatyp, satyp alýǵa bolady. Al ekinshi qabatynda kórshi eldiń 20 aımaǵynan kelgen qatysýshylar ár óńirge tán qytaı ashanasynyń mádenıetin tanystyrady. Osy jerde kompanııalar kelissóz júrgizip, ózara kelisimsharqa qol qoıýyna múmkindik bar. Osy týraly Qytaıdyń qosymsha pavılonynyń qurmetti tóraǵasy, belgili jazýshy, Qytaı Halyqtyq saıası keńesiniń múshesi Ákpar Májıt aıtty.
Budan bólek 7-18 maýsym aralyǵynda qytaı kınosynyń festıvali ótedi. EKSPO-ny tamashalaı kelgen kórermenge eń tańdaýly 6 kıno usynylady. Sonyń ishinde Djekı Chan basty rólde oınaǵan Úndistan men Qytaıdyń birlesip túsirgen «Kýng-fý ıoga» týyndysy. Onyń aıtýynsha, keleshekte eki el arasynda halyqaralyq kınofestıval ótkizý dástúrge aınalmaq. Sondaı-aq, Qazaqstan men Qytaı birlesip kıno túsirýdi josparlap otyr.
«Bıyldan bastap, Qazaqstan-Jýńgýo arasyndaǵy kınomerekesin ótkizgeli jatyrmyz. Batyrlar taqyrybynda bolmaq. Keler jyly biz jaqta ótedi. «Bir beldeý, bir jol» boıynda tek saýda, ónerkásip bolyp, mádenıet aýys-kúıis bolmasa, halyq pen halyqtyń arasy jaqyndaspaıdy ǵoı. Halyq pen halyqty jalǵastyrý úshin mádenıet júrý kerek», dedi Ákpar Májıt.
