Onyń aıtýynsha, kórme ashylǵan kúnnen 13 maýsymǵa deıingi aralyqta kórmege 88 myń 300 adam kelgen. Kóshi-qon polısııasynda 1970 qonaq kelgendigi tirkeldi. О́ńirlerden kórmeni tamashalaýǵa 6 200 bala keldi. Qonaqúılerge 27 myńnan astam adam ornalasqan. Qonaqúıler 81%-ǵa, hostelder 25%-ǵa tolǵan. Qoǵamdyq kólikter 2,6 mln jolaýshy tasymaldaǵan. Budan ózge, kórme aıasynda «jasyl» ekonomıkanyń damýyna ınvestısııa tartyldy. «Qytaı Qazaqstandaǵy jel generatorlary parkterine 70 mıllıard teńge ınvestısııa quıady», - dep jazdy Aıtekenov óziniń Feısbýktegi paraqshasynda.
«Qazatomprom» Ulttyq kompanııasy men álemdik atom salasyndaǵy jetekshi kompanııalar - Cameco Corporation, Uranium One Inc., CGN jáne AREVA - arasynda ózara memorandým jasaldy. «QazMunaıGaz» UQ» AQ jáne CNPC Shymkent munaı óńdeý zaýytyn jańǵyrtý jáne QHR-yna gaz eksporttaý boıynsha birqatar kelisimderge qol qoıdy. Sondaı-aq, taraptar 2017-2018 jyldarǵa «QazMunaıGazdyń» Qytaıǵa tabıǵı gaz jetkizý múmkindikterin talqylap, 5 mıllıard sharshy metr kólemindegi Qazaqstan gazyn QHR-yna eksporttaýdyń satyp alý-satý sharttaryna qol qoıyldy. «Ekspo-2017 kórmesine jumsalǵan qarajat - 400 mıllıard teńgeden asady (shamamen 1 mlrd. 300 mıllıon dollar)», - dedi Sanııar Aıtekenov.
