Kitap kórmesi – oqyrman oljasy

Qymbat TOQTAMURAT, 
«Egemen Qazaqstan»
– Búginde Qazaqstan álem nazaryn ózine aýdaryp, halyqaralyq mamandandyrylǵan EKS­PO-2017 kórmesin ótkizip otyr. Dú­­nıejúzi kóz tikken jahan­dyq shara kezinde Eýrazııa­lyq halyq­aralyq kitap kórme-jár­meń­kesiniń ótkizilýi – erekshe oqıǵa. Bul sharaǵa AQSh, Ger­manııa, Qytaı, Túrkııa, Reseı, Úndistan, Iran sekildi álemniń 25 memleketinen 90 baspa úıi óz ónimderi men jańa tehnologııasyn usynyp otyr. Kórmege kelgen kitapsúıer qaýym tórt kún boıy ǵylymı-tanymdyq, iskerlik jáne tehnıkalyq ádebıettermen tanysyp, baspa isiniń sońǵy jetistikterine kýá bola alady. Kórme aıasynda bas-aıaǵy 100-den astam shara, sonyń ishinde dóńgelek ústel jıyndary, semınarlar, oqyrmandar forýmy, jańa kitaptardyń tanystyrylymy ótedi. Endeshe, adamzatty meıirimdilikke, izgilikke, órkenıetke bastaıtyn kitap áleminiń merekesi qutty bolsyn! – dedi Memlekettik hatshy.
Budan keıin Memlekettik hatshy Eýrazııalyq halyqaralyq kitap  kórme-jármeńkesin aralap kórdi. Onyń alǵashqy aıaldaǵan «Almatykitap» baspasy kitap kórmesine 500 kitap ákelgen eken. Sonyń ishinde «El júregi – ajarly qala Astana» atty tanymdyq kitaptyń alǵashqy nusqasy kórme-jármeńkege qoıyldy. Bul basylymda elorda mańyndaǵy kóne Bozoq qalashyǵynyń  tarıhy jeńil tilmen, uǵynyqty jazylypty. Negizinen kitap mektep oqýshylaryna arnalǵanymen, eresekter de odan bas shahar týraly kóptegen málimet ala alady. 
Jurtshylyqty rýhanı álemge jetelep, bilim kókjıegin keńeıtetin kitap kórmesinde áıgili álemdik jáne otandyq aqyn-jazýshylarmen kezdesý de uıymdastyrylmaq. Sonymen birge, qalyń kópshilik ádebıet áleminiń áli sııasy keppegen dúnıelerimen de tanysa alady. Olardyń qatarynda qazaqstandyq belgili aqyn-jazýshylardyń da kitaptary oqyrmanǵa jol tartady. 
Kórme aıasynda, joǵaryda aı­tyl­ǵanyndaı, aýqymdy mádenı-isker­lik baǵdarlamalardy iske asyrý josparlanyp otyr. Onyń ishinde tanymal mádenıet qaırat­ker­lerimen, jazýshylarmen jáne aqyn­darmen kezdesýler ótedi, et­no­mádenı birlestikter óner kór­setedi.
Memlekettik hatshy Eýra­zııalyq «Eurasian Book Fair-2017» halyqaralyq kitap kórme-jár­meńkesinde kitaptardyń ekspo­zısııalarymen tanysyp, qaty­sýshylardyń barlyǵyna shyǵar­mashylyq baılanystardy il­geriletip, joǵary kásibı tabys­qa jetýge tilektestik bildirdi.

Sýretti túsirgen 
Orynbaı BALMURAT,
«Egemen Qazaqstan»