Lıft qyzmetine jiti qaraıyq

Astananyń ózinde osy jyldyń 13 jáne 21 sáýiri kúnderi «Edem Pa­las-1», «Edem Palas-2» turǵyn úı keshenderinde osyndaı keleńsizdik boldy. Artynsha «Aııa», «Ýspeh» turǵyn úı keshenderinde de oqys oqıǵ­alar tirkeldi. Júregi shaılyǵyp qalǵandar joǵary qabattaǵy páte­rine baspaldaq arqyly kirip-shyǵýǵa májbúr. Basqa amaly joq. Ata-analar, ásirese, balalary úshin alańdaıdy. Olar kirip-shyqqan saıyn «Lıft toqtap qalmasa eken» dep janyn shúbe­rekke túıip otyrady. Osy jaǵdaıdy túzeýge bola ma? Astana qalasynyń ákim­digi bul máseleniń durystalýyn myq­tap qolǵa aldy.
«Elorda.info» saıtynyń málimetine qaraǵanda, Astanada 6577 lıft tir­kelgen. 4879 lıft – turǵyn úılerde, 1728 lıft – ákimshilik ǵımarattarda. 63 lıftiniń paıdalaný merzimi ótip ketken. Osy lıftilerdiń tehnıkalyq jaǵdaıy qandaı kúıde? Ýaqtyly tekserile me? Isten shyqqan jaǵ­daı­da tıisti mekemelerdiń tez arada jóndeýge shama-sharqy jete me? Osy salada bilikti mamandar jetkilikti me? Olardy daıarlaýǵa kóńil bólinip otyr ma? Turǵyndardyń lıft sharýa­shylyǵyna baılanysty qandaı aryz-shaǵymdary bar? 
Astana qalasynyń ákimdigi, Tur­ǵyn úı ınspeksııasy basqarmasy osyndaı sansyz saýaldarǵa jaýa­p izdep, birneshe márte basqosý ót­kizdi. Nátıjesinde, elordadaǵy lıf­tilerdiń barlyǵyna keshendi tek­serý jasaý jónindegi toqtamǵa keldi. Biraq, atalǵan basqarmanyń lıft sharýashylyqtaryna tekserý júrgizýge quzyreti joq bolyp shyqty. Buǵan qalalyq prokýratýranyń aralasýyna týra keldi. Ne kerek, elordadaǵy bar­lyq lıftilerdiń tehnıkalyq jaǵ­daıyna tekserý júrgiziletin boldy. Biraq, bul – óte aýqymdy jumys. Bir-eki aıdyń aınalasynda bitetin sharýa emes, birneshe aıǵa sozylýy múmkin.
Lıft sharýashylyǵymen aınalysatyn kompanııalar zańdylyq talap­taryna sáıkes kótergish meha­nızmderdi aı saıyn tekserip, bul týraly aqparatty arnaıy jýrnalda tirkep otyrýy tıis. Osy jumystyń oıdaǵydaı ekenine kóptiń kúmáni bar. О́ıtkeni, servıstik qyzmet kór­setetin fırmalar udaıy aýysyp jatady. Keldi-ketti. Turaqty jumys iste­meıtindikten, jumystaryna júr­dim-bardym qaraıtyny taǵy bar. Al osynyń zardabyn tartatyn qara­paıym halyq.
Bir qyzyǵy, lıft sharýashy­ly­ǵymen aınalysatyn kompanııalar ózderi bı, ózderi qoja. Zań júzinde olar­dyń jumysyn ákimdiktiń de, oǵan qarasty qurylymdardyń da tekserýge quqy joq. Lıft kompanııalary páter ıeleri kooperatıvterimen baılanysta jumys isteıdi. О́ıtkeni, kooperatıvter lıftilerdiń qaýipsiz jumysyn uıymdastyrýǵa jaýapty. Biraq, qazirgi jaǵdaıda páter ıeleri kooperatıvteriniń bári birdeı bul iske tııanaqty qarap otyr dep aıta qoıý qıyn. Bul týraly buǵan deıin de másele kótergen edik. («Páter prob­lemasyn kim sheshedi?», «Egemen Qazaqstan», 16.05.2017 jyl). Taǵy bir aıtatyn jaı, páter ıeleri koo­peratıvterin de turǵyn úı ınspeksııa­sy basqarmasynyń tekserýine zań boıynsha quzyreti joq bolyp shyqty. О́ıtkeni, olardy saılaǵan páter ıeleri. Solardyń tarapynan shaǵym túsken jaǵdaıda ǵana basqarma tekserý jasaı alady. Bir sózben aıtqanda, lıft kompanııalary sekildi PIK te ózi – bı, ózi – qoja. Osynyń bárin retteý úshin zańnama talaptaryna ózgeris engizý qajet-aq. Bul týraly birazdan beri aıtylyp keledi. Biraq, ázirge sóz júzinde qalyp otyr. 
Negizi, kóp qabatty úılerdiń tur­ǵyndary lıft kompanııalaryn tań­daýǵa óte muqııat bolǵany jón. Tańdaý úshin páter ıeleri kooperatıvi músheleriniń jalpy jınalysy ótedi. Hattama toltyrylady. Sol hattamada kórsetilgen kompanııa servıstik qyzmet kórsetýi tıis. Ony PIK je­ke-dara tańdaı almaıdy, bul turǵyndardyń tańdaýyna tikeleı baılanysty. Osyny eskergen jón. Taǵy bir erekshe eskeretin másele, turǵyndar tómen tarıf usynǵan kompanııanyń yǵynda ketip qalmaýy kerek. Tólemniń tómen bolǵany jaq­sy árıne, biraq kompanııanyń múm­kindigi men jumys tájirıbesine, maman­darynyń bar-joǵy men sapasyna da aıryqsha mán bergen jón.
...Siz turyp jatqan úıdegi lıftiniń kúıi qandaı? Bir sát nazar aýdardyńyz ba?