Sharaǵa oblys ákiminiń orynbasary Ǵalymjan Ábdiraıymov arnaıy qatysyp, óńirimizde mundaı sanıtarlyq avtokóliktiń 28 mekemege berilgenin, bul maqsatta jergilikti bıýdjetten 211 mıllıon teńge bólingenin atap ótti.
Sonymen qatar, oblystaǵy densaýlyq saqtaý mekemelerin jańa medısınalyq qural-jabdyqtarmen qamtamasyz etýge bıyl 2 mıllıard teńge kóleminde qarjy jumsalsa, oblystaǵy 408 medısınalyq mekemeniń 14-i jańadan salynyp, 12-si kúrdeli jóndeýden ótken. Ǵalymjan Raıyluly óz sózinde Elbasy barlyq Joldaýlarynda medısına salasynyń damýyna erekshe nazar aýdaryp keletindigin jáne oblys basshysynyń densaýlyq saqtaý salasyna erekshe kóńil bólip otyrǵanyn jetkizip, birqatar medısına qyzmetkerlerin oblys ákiminiń Qurmet gramotasymen marapattady. Al oblystyq densaýlyq saqtaý basqarmasynyń basshysy Tileýhan Ábildaev áriptesteriniń tynymsyz eńbegin erlikke balap, aq halatty abzal jandarǵa óz atynan rızashylyǵyn bildirdi. Budan keıin birqatar medısına qyzmetkerleri elimizdiń densaýlyq saqtaý mınıstrliginiń «Eńbek ardageri» medalimen jáne «QR Densaýlyq saqtaý salasynyń úzdigi» tósbelgisimen marapattaldy.
Atalǵan marapattar óńirimizge belgili ǵalym dárigerler Orazqul Dosqulov, Tólenbek Sáýirbaev jáne Saǵyndyq Ordabekovke berildi. Saltanatty jıyn sońy óńir ónerpazdarynyń konsertine ulasty.
Hamıt Esaman,
«Egemen Qazaqstan»
Jambyl oblysy
