Kezdesýge «Astana» Halyqaralyq qarjy ortalyǵynyń (AHQO) basqarýshysy Qaırat Kelimbetov pen Astanadaǵy Lord ókili, AHQO-nyń Sot jáne Halyqaralyq tórelik ortalyǵyn qurý jáne damytý boıynsha sarapshysy Krıstofer Kempbell qatysty.
Áńgime barysynda Q.Mámı jaqynda quqyq máseleleri boıynsha múddeli memlekettik organdardyń birinshi basshylarynan quralǵan qazaqstandyq delegasııanyń Ulybrıtanııada saparmen bolǵanyn atap ótti. Sapardyń jemisti ótkendigin aıta kele, Qazaqstan Joǵarǵy sotynyń tóraǵasy Anglııa men Ýelstiń Barrısterler qaýymdastyǵynyń, Londonnyń Ortalyq krımınaldyq sotynyń jáne Kúrdeli alaıaqtyq qylmystardy tergeý keńsesiniń ókilderimen birqatar kezdesýler ótkizgenin atap ótti. Buǵan qosa, sheteldik meımanǵa qazaqstandyq sýdıalardyń Ulybrıtanııaǵa «Bolashaq» halyqaralyq stıpendııasy sheńberinde aǵylshyn quqyǵynyń negizderi men prınsıpterin neǵurlym tereń tájirıbelik turǵydan zerdeleý úshin oqýǵa jiberilgeni aıtyldy.
Kezdesýge qatysýshylar sot pen tórelik ortalyǵynyń mártebesin anyqtaý, Qazaqstan men ózge elderde sot pen tórelik aktileriniń kúshine enýi týraly máselelerdi talqylady. Áńgime barysynda meıman Qazaqstandaǵy AHQO-nyń soty men tórelik ortalyǵyn qurý boıynsha áreketin jalpy qoldaıtyndyǵyn jetkizdi.
