Quryq portynan basqa elderge júk tasymaldaýǵa múmkindik beretin «Beıneý-Aqjigit-О́zbekstan Respýblıkasynyń shekarasy» avtomobıl joly – asa mańyzdy kólik ınfraqurylymdyq nysan. Joldyń ekinshi kategorııasy 85 shaqyrymdy quraıdy. О́zbekstan shekarasynan bastalatyn jol Beıneý aýdanynan ótedi.
«О́tken jyldyń sońynan bastap elimizdiń О́zbekstan Respýblıkasymen qarym-qatynasy nyǵaıa tústi. Ústimizdegi jyldyń birinshi toqsanynda eki el arasyndaǵy saýda aınalymy 37 %-ǵa ósti. Respýblıkanyń О́zbekstanmen baılanys joly tek Ońtústik Qazaqstan oblysynyń Saryaǵash aýdany men Beıneý aýdanynda ǵana bar. Beıneý aýdany О́zbekstanmen temirjol jáne avtomobıl joly arqyly qatynas jasaıtyn elimizdiń kıeli qaqpasy ǵana emes, Orta Azııanyń Reseıge, odan ári Eýropaǵa shyǵatyn birden-bir qatynas joly. Mańǵystaý oblysy iri kóliktik logıstıkalyq ortalyqqa aınalyp keledi», – dedi oblys ákimi Eraly Toǵjanov.
Ol sondaı-aq avtomobıl jolynyń rekonstrýksııa jasaý jumystary qarqyndy júrgiziletindigin, óıtkeni bul Kaspıı kólik dálizinde júk tasymaldaýdy qamtamasyz etetin mańyzdy nysan ekenin atap ótti.
Quny 19,8 mlrd teńgeni quraıtyn joldyń qurylys jumystary 2018 jyly aıaqtalmaq. Respýblıkalyq bıýdjetten qarjylandyrylatyn jobanyń merdigeri – «Temirjol Jóndeý» JShS.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
