Búginde álemdik qoǵamdastyq úshin Qazaqstan men Astana ataýlary egiz uǵymǵa aınalyp ketti. Bul uǵym qaryshtap damý men óristi órkendeýdiń ónegeli úlgisi retinde ornyqty.Bizder, qazaqstandyqtar, Astanany asqaqtatý arqyly dúnıe júzinde ózimizdi –keleshegi kemel, áleýeti qýatty memleket ekenimizdi tanyttyq .Astanamyzdyń 20 jyl ishindegi jetken jetistikterine kýá boldyq.
Astanamyzdyń mereıtoı qarsańynda aýdandyq ortalyq balalar kitaphanasynyń uıymdastyrýymen «Elimizdiń júregi Astana» atty tasqa sýret salý saıysy ótti. Is-shara barysynda búldirshinder Astanamyzdyń bolashaǵyn óz oılaryn tasqa túsirip, kópshilik qaýymǵa tanystyrylyp, án shyrqalyp, baldyrǵandar óz taqpaqtaryn naqyshyna keltirip jatqa aıtty. Osyndaı kóńildi keshimizge aýdanymyzdyń «Baldyrǵan», «Jupar», «Qalamqas» balabaqshalarynyń búldirshinderi qatysty. Saıys nátıjesi boıynsha 1-orynǵa Asyl Ádilhanova, (Jupar balabaqshasy) ıe boldy. 2-orynǵa Nargız Qambar (Baldyrǵan) balabaqshasy, 3-orynǵa Aısaýle Tasbolatova (Qalamqas) balabaqshasy ıe boldy. Kesh sońynda búldirshinder marapattalyp, syılyqtar berildi.
Z. Mýsabaeva,
Aýdandyq ortalyq balalar
kitaphanasynyń meńgerýshisi
Qostanaı oblysy,
Amankeldi aýdany
